Bókaþjónusta Lífspekifélagsins

 

Bókasafn og bókaþjónusta
er opin á föstudögum kl. 18:00 til 20:00.

Frá byrjun okt og til loka  apríl
Á sama tíma er bókasafnið opið.
Athugið að tíminn hefur verið færður um dag frá 
því sem áður var.
Kristinn Ágúst og fleiri sjá um bókaþjónustuna.

 

Ljóð Inkans eftir síðasta keisara Inkanna, Atahuallpa

Í vor kom út bókin Ljóð Inkans eftir síðasta keisara Inkanna, Atahuallpa.
Menningarsjóður Lífspekifélagsins hafði umsjón með útgáfunni. Ljóð þessi höfðu verið geymd í gullskreyttu skríni í 400 ár norðarlega í Argentínu. Þau eru upphaflega rituð á quechua, máli Inkanna. Antonio Altamirano þýddi ljóðin á spænsku (Poemas de Atahuallpa) og til aðstoðar við þýðingu ljóðanna var höfðinginn Tupac Rimachi. Mörgum árum síðar þýddi danskur skólastjóri ljóðin yfir á dönsku. Er hann síðan gaf Úlfi Ragnarssyni, lækni, ljóðin í jólagjöf 1983 varð Úlfur svo hrifinn af þeim að hann réðst ekki aðeins í að þýða þau, heldur málaði einnig einstaklega fagrar vatnslitamyndir innblásnar af sumum ljóðanna. Ljóð þessi eru einstök að frumleika og allri gerð og aðeins til á máli Inkanna, spænsku, dönsku og íslensku. Hönnun myndanna var í höndum Godds (Guðmundar Odds Magnússonar). Bókin verður til sölu í Bókaþjónustu félagsins á 2000 kr en Lífspekifélagar fá hana þar frítt.