Dharma

 

Betra er hverjum manni að rækja skyldu sína, þótt honum verði hróðursvant, en inna af hendi skylduverk annara manna vel og sómasamlega. Gott er hverjum manni að falla frá, er hann gegnir sínum eigin skyldum. Skylduverk annara eru umkringd hættum.

   Hávamál Indíalands (Bhagavad Gita) 3. kviða, 35. vers

Athugasemdir

[Nanna Katrín Kristjánsdóttir, 28.1.2008 kl. 15:28]

Kannt þú að útskýra dharma þannig að barn myndi skilja það?

[OM , 28.1.2008 kl. 18:25]

Ég veit nú ekki hvort ég gæti það. En eins og þú trúlega veist þá er dharma kallað lífsspeki eða lífsskylda (man ekki hvort) í Hávamál Indíalands (Bhagavad Gita). Ger skyldu (dharma) þína, sama hvað. Hlustaðu á ,,hjarta" þitt og gerðu eins og það segir þó svo það virðist ekki létt né rétt. Krishna segir Arjúna að hann verði að halda áfram að ,,berjast" (lifa sitt dharma) þega Arjúna er að því kominn að bugast.

Svo er það dharma í búddismanum sem þýðir allt annað en í hinúsimanum. Þar er frekar verið að tala um kenningar og kennslu Buddha en skyldu einstaklingsins. Allt er dharma. ,,Dharma eru takmarkalaus, ég heiti því að ná tökum á þeim." er m.a. eitt af Bodisattva-heitunum fjórum.

Ég efast samt um að barn myndi skilja þetta hjá mér en trúlega er barnið trútt sínu dharma sennilega er það ekki fyrr en við komum til vits og ára að við förum á skjön við okkar sanna dharma.

Kveðja, Leifur