Zazen (Sitjandi hugleiðsla) leiðbeiningar

 

 

Zazen leiðbeining

Mánudaginn 31. mars kl. 19:15 verður Zazen leiðbeining fyrir þá sem vilja læra að sitja Zen hugleiðslu. Áhugasamir vinsamlega skrái sig með því að senda póst á [e-mail]. Verð er kr. 3000,- og er iðkun allan mánuðinn innifalin í verðinu.

Lífspekifélagið um helgina - Stjörnuspeki, spjall og hugleiðing

 

 

14. mars. föstudagur kl 20:00 Gunnlaugur Guðmundsson, stjörnuspekingur: Sálarnetið.
Um tengsl manns, náttúru og alheims og hvernig þau birtast 
í persónuleika mannsins á einstökum tímabilum. 
Hver er bakgrunnur spádóma?

15. mars laugardagur kl 15:30 Bjarnheiður Bjarnadóttir leiðir hugleiðingu. 
Umræður í höndum Gunnars Mássonar sem fjallar um Antakarana-vitundarbrúna.

 

 

www.lifspekifelagid.is  

Iðkendur yoga hreinsa stöðugt hjarta sitt - Hávamál Indíalands

11. Iðkendur yoga hreinsa stöðugt hjarta sitt,

er þeir eru ekki framar háðir athöfnum sínum,

hvort sem þeir vinna með líkama sínum,

huga, mannviti eða skynjunum.   

 

12. Hugrór maður, er hefir hafnað ávöxtum athafna sinna,

öðlast friðinn eilífa.

En hinn, sem er ekki hugrór,

er knúinn girndum og bundinn

við ávöxtathafna sinna.   

 

Hávamál Indíalands (Bhagavad Gita) – 5. kviða, 11. – 12. vers.

Lífspekifélagið um helgina - Innhverfur/úthverfur og Gísli V. Jónsson leiðir hugleiðingu

7. mars. föstudagur kl 20,00

Persónuleikagerðir Jungs 
Hugtökin innhverfur (e. introvert) og úthverfur (e. extravert) eru nú á 
allra vörum en það eru færri sem vita að þau eru runnin frá Carl Gustav 
Jung. Hugtökin notar hann í persónuleikagreiningu sinni sem hann kynnti í 
bókinni Psychological Types sem kom út 1920. Í fyrirlestrinum verður sagt 
frá fjórum hugtakapörum sem persónuleikagreiningin er byggð á. Þá verða 
tekin dæmi um hvernig slík persónuleikagreining nýtist sem tæki jafnt í persónulegum sem fræðilegum tilgangi.

 

8. mars laugardagur kl 15:30 Gísli V Jónsson með hugleiðingu. Kaffi á eftir og erindi. 

Fjallað verður um sjálfsþekkingu og sýnt stutt myndband.

 

 

www.lifspekifelagid.is  

DVD með Krishnamurti 5. mars - Í einveru getur þú verið algjörlega óhult/ur

Viðræður Krishnamurtis við

Dr. Bohm og Dr. Shainberg:

The transformation of man.

 

Næsta miðvikudag, 5. mars verður þriðji þáttur í þessum viðræðum sýndur af mynddiski kl. 17:30 í bókasafni félagsins.Heiti þessara næstu viðræðna er: In aloneness you can be completely secure (Í einveru getur þú verið algjörlega óhult/ur). Viðræðurnar fara fram á ensku og enskur texti fylgir. Þeir sem hug hafa á að sjá þessa þætti þurfa helst að skilja ensku, en það er ekki skilyrði.  Engin þýðing fylgir. Hins vegar verður efni þáttanna rætt á eftir hverri sýningu. Þetta er annar þáttur af 6 þáttum sem fyrirhugað er að sýna vikulega fram á vor. Hver þáttur tekur um 1 klst.  

Nálgun að Zen - Þriðjudaginn 11. mars nk. hefst námskeið í hugleiðslu og fræðsla um Zen búddisma hjá Zen á Íslandi

Nálgun að Zen
Þriðjudaginn 11. mars nk. hefst námskeið í hugleiðslu og fræðsla um Zen búddisma hjá Zen á Íslandi – Nátthaga. Námskeiðið sem ber yfirskriftina:Hvernig má færa friðsæld, gleði og kímni inn í annasamt daglegt líf?stendur í 4 vikur og fer kennsla fram á þriðjudagskvöldum kl. 19.30-21.00. Leiðbeinendur verða þau Helga Kimyo og Ástvaldur Zenki, sem hafa hlotið prestvígslu hjá Jakusho Kwong-roshi, kennara Zen á Íslandi – Nátthaga og gegna stöðu aðstoðarkennara í Nátthaga. Þátttökugjald er kr. 13.500. Námskeiðið fer fram í aðsetri Zen á Íslandi á Grensásvegi 8, 4. hæð til vinstri. Nánari upplýsingar og skráning: [e-mail]

Daglegir iðkunartímar:

Alla virka morgna kl. 07:20-08:35
Mánudagar kl: 17:30-18:50
Fimmtudagar kl: 19:30-21:05
Laugardagar kl: 08:00-09:40