OM - ॐ - leifurl.blog.is

5.3.2011 | 16:53

Karma-yoga - Brot úr bókinni Starfsrækt eftir Swami Vivekananda

Karma-yoga segir þess vegna: Upprættu fyrst hneigðina til þess að skjóta fram fálmanga eigingirninnar, og þegar þú hefir öðlast mátt til þess að sporna við því, skaltu halda honum í skefjum og ekki leyfa huganum að komast í slíka ölduhreyfingu. Gakk síðan um heiminn, og starfaðu eins mikið og þér er unnt. Stattu í hverju, sem er. Lifðu þar, sem þig lystir. Þú verður aldrei ósnortinn. Þú verður eins og lótusblöðin í vatninu, sem vatnið getur ekki vætt. Þetta er nefnt ,,vairaghyam". Þetta er lögmál karma-yoga, fráhvarf. Ég hefi einmitt sagt yður, að án fráhvarfs getur ekkert yoga þrifist. Það er undirstaða alls yoga, og þetta er hin sanna merking þess að vera óháður.

Úr hausthefti Ganglera frá 1980 - Brot úr bókinni Starfsrækt eftir Swami Vivekananda

Bloggar | Slóð | Facebook | Athugasemdir (0)

3.3.2011 | 10:54

Dagskrá Lífspekifélagsins (Guðspekifélagsins) um helgina

Föstudaginn 4. mars kl. 20:30 Ragnar Önundarson: Táknmál og launsagnir í guðspjöllunum. Ýmis stef guðspjallanna sem veita innsýn í tengsl fornra trúarbragða og nýrra.

Á laugardögum er opið hús frá kl. 15 - 17 með dagskrá kl. 15:30.

Laugardaginn 5. mars Þorvaldur Friðriksson: Meira af Keltum.

Hugleiðing og fræðsluefni frá Sigvalda.Á laugardögum kl. 14.

Lífspekifélagið - Guðspekifélagið

Boðar engar kenningar en hvetur til hugsana- og skoðanafrelsis. Þær hugmyndir sem hér koma fram eru ekki á ábyrgð félagsins eða bindandi fyrir félagsmenn, en settar fram til að hvetja til umræðu og stúdíu um sjálfsrækt og andlega iðkun.Starfsemi félagsins fer fram á fundum, með fyrirlestrum, umræðum, í námshópum og námskeiðum og er öllum opin. Sjá nánar

Bloggar | Breytt s.d. kl. 10:58 | Slóð | Facebook | Athugasemdir (0)