Grasið grær af sjálfum sér

Og hér sit ég

í friði og spekt

og geri ekki neitt.

Vorið er komið

og grasið grær af sjálfum sér.

Zenrin

Umburðarlyndi

                                       

 Ég segi  mennina boðna og velkomna,

hvern veg sem þeir nálgast mig; því að

vegirnir, sem þeir velja sér, eru mínir

vegir, hvaðan sem þeir liggja ...

                                               

Bhagavad-Gita IV, 11

Að snúa útgeislun sinni innávið.

Í morgun settist lítill fugl í gluggakistuna mína og söng undurfagra söngva sína. Ég veit ekki hvers vegna, en þannig er náttúran. Fuglinn var agnarsmár, en söng af ótrúlegri snilld. Aftur og aftur söng hann sönginn sinn af öllu hjarta en flaug að lokum í burtu. Hvernig er þetta gert? Með öðrum orðum hvernig getur maður sýnt hjarta sitt? Hvernig er hægt að vera hér og nú af öllu hjarta, hvar sem er, hvenær sem er og hver sem maður er? Hvernig er því skilað til annarra? Þetta eru stórar spurningar.

Jakusho Kwong-roshi