Minni á að Hávamál Indíalands fæst nú í verslunum Eymundsson og hjá Lífspekifélaginu

Hávamál Indíalands - Bhagavad Gita

Höfundur: Sigurður K. Pétursson

Bhagavad Gíta, eða Hávamál Indíalands eins og bókin nefnist í þessari íslensku þýðingu, er án ef ein af perlum heimsbókmenntanna og er fyrir löngu orðin þekkt um víða veröld. Hún hefur hins vegar verið ófánanlega í íslenskri þýðingu um árabil og var því ákveðið að bæta úr því og endurúrgefa íslenska þýðingu Sigurðar Kristófers Péturssonar frá árinu 1924. Í Bhagavad Gíta segir frá samtali guðsins Krishna og lærisveins hans Arjúna. Krishna birtist sem andlegur fræðari og kennir Arjúna listina að lifa eftir leiðum andans. Boðskapur og kennslan sem birtist í Bhagavad Gíta er tímalaus og á jafn vel við nú og í fyrndinni en bókin er eldforn og margar aldir eru síðan hún var færð í letur. Bókin er fyrir löngu orðin sígild meðal andlegra fræða og ein af grundvallarritum yogafræðanna. Þórbergur Þórðarson sagði m.a. um bókina: „Bhagavd Gíta og Bókin um veginn eru tvær mestu bækur heimsins.“

Halda áfram að versla

Share on printShare on emailShare on twitterShare on facebookMore Sharing Services

Verð: 3.199 kr.

Fjöldi

Nánar um vöruna

Form:Kilja

Útgáfuár:2014

Blaðsíðufjöldi:81

Vöruflokkur:Fræði- og handbækur

Vörunúmer:TG 726791

Sofa fjöllin? Fyrirlestur

 

Á laugardaginn kemur, 1.nóvember kl. 09:15 verður Ástvaldur Zenki Traustason með fyrirlestur um Zen. Ástvaldur Zenki er Zen prestur og gegnir stöðu aðstoðarkennara hjá Zen á Íslandi. Fyrirlesturinn ber yfirskriftina "Sofa fjöllin?" 

Einnig er hægt að taka þátt í hugleiðslu á undan en hún hefst kl. 08:00.

Aðgangur er ókeypis og allir eru velkomnir.

Í anda Zen, Nátthagi - Zen á Íslandi

 

Maðurinn stefnir að hinu stórkostlega ævintýri: að upplifa al-veruna og alheiminn án þess nokkurn skugga beri á

—Maðurinn stefnir að hinu stórkostlega ævintýri: að upplifa al-veruna og alheiminn án þess nokkurn skugga beri á. Allt og allir þokast í sömu átt, en förinni má flýta með sérstakri iðkun og lífsháttum: yoga, hinni mystísku leið.

  Fyrsta stig felst í að glíma við hugann, þú þarf að gera verið hrein athygli, algerlega ótruflanleg athygli sem kallast ótruflanleiki. Þegar þeim árangri er náð kemur iðkun sem kalla má á íslensku að vera hljóður hugur sem er svo hástemmd kyrrð að jafnvel eigin hugsanir trufla ekki.

     Þegar því stigi er náð, að geta verið hljóður hugur, hefst annað stigið sem gjarnan má kalla máttar-yoga eða máttar-iðkun.

—Máttar-æfingar eru allt-annars eðlis en þær æfingar sem miða að því að gera verið hrein athygli og hljóður hugur. ...

—Vanalega slær mystískri upplifun niður sem leiftri, og reynslan sýnir að þeir verða næmari fyrir henni sem geta verið hljóður hugur. Samt kemur hún og fer einsog leiftur. Máttar-iðkun á hinsvegar að koma þeirri breytingu á með manninum sem gerir hinu mystíska eða guðlega vitundarástandi mögulegt að standa við, halda áfram, verða viðvarandi. Sú breyting kallast ummyndun og er mesta undrið á hinni andlegu leið, leiðinni til hugljómunar.“ 

 

Sigvaldi Hjálmarsson  

Dagskrá Lífspekifélagsins um helgina - Áframhaldandi Raja yoga og hugleiðsla

Dagskrá í húsi Lífspekifélagsins(Guðspekifélagsins) að Ingólfsstræti 22

Reglulegir fundir frá byrjun okt til loka apríl.

Fundartími á föstudögum er kl. 20. Á laugardögum er aðaláhersla á hugleiðingu (íhugun) og fræðslu tengdri henni eða annað efni. Hugleiðing hefst kl 15:30. Siðan er kaffikl 16 ogfræðsla eftir það. 

 

 

Föstudagur 31 okt kl 20,00

Rajayoga

Bjarni S Kárason heldur áfram umfjöllun sinni

frá síðustu viku

 

 

Laugardaga 1 nóv kl 15:30

 Þórgunna Þórarinsdóttir leiðir hugleiðslu og umræður

eftir kaffi.

Dagskrá Lífspekifélagsins (Guðspekifélagsins) um helgina - Raja yoga og vitundarvígslur

Dagskrá í húsi Lífspekifélagsins(Guðspekifélagsins) að Ingólfsstræti 22

Reglulegir fundir frá byrjun okt til loka apríl.

Fundartími á föstudögum er kl. 20. Á laugardögum er aðaláhersla á hugleiðingu (íhugun) og fræðslu tengdri henni eða annað efni. Hugleiðing hefst kl 15:30. Siðan er kaffikl 16 ogfræðsla eftir það. 

 

Föstudagur 24 okt kl 20,00

Bjarni S Kárason fjallar um

Rajayoga Yogi Ramacharaka í ljósi kenninga Krists.

 

Laugardaga 25 okt kl 15:30

Bjarnheiður Bjarnadóttir leiðir hugleiðingu.

Gunnar Másson:

Um markmið hugleiðingar og vitundarvígslur.

 

 

www.lifspekifelagid.is 

Hávamál Indíalands er komin í verslanir og fæst einnig í bóksölu Lífspekifélagsins

 

 

 

 

 

 

 

 

 

 

 

 

 

 

 

 

 

 

 

 

 

 

Bhagavad Gíta, eða Hávamál Indíalands eins og bókin nefnist í þessari íslensku þýðingu, er án efa ein af perlum heimsbókmenntanna og er fyrir löngu orðin þekkt um víða veröld. Hún hefur hins vegar verið ófánanlega í íslenskri þýðingu um árabil og var því ákveðið að bæta úr því og endurúrgefa íslenska þýðingu Sigurðar Kristófers Péturssonar frá árinu 1924. Í Bhagavad Gíta segir frá samtali guðsins Krishna og lærisveins hans Arjúna. Krishna birtist sem andlegur fræðari og kennir Arjúna listina að lifa eftir leiðum andans. Boðskapur og kennslan sem birtist í Bhagavad Gíta er tímalaus og á jafn vel við nú og í fyrndinni en bókin er eldforn og margar aldir eru síðan hún var færð í letur.

   Bókin er fyrir löngu orðin sígild meðal andlegra fræða og ein af grundvallarritum yogafræðanna. Þórbergur Þórðarson sagði m.a. um bókina: „Bhagavd Gíta og Bókin um veginn eru tvær mestu bækur heimsins.“ 

 

 

http://www.eymundsson.is/nanar?productid=4c322170-5531-11e4-93fd-00155d691f12 

Dagskrá Lífspekifélagsins um helgina - Grettissaga og eldmöntrur

Dagskrá í húsi Lífspekifélagsins(Guðspekifélagsins) að Ingólfsstræti 22

Reglulegir fundir frá byrjun okt til loka apríl.

Fundartími á föstudögum er kl. 20. Á laugardögum er aðaláhersla á hugleiðingu (íhugun) og fræðslu tengdri henni eða annað efni. Hugleiðing hefst kl 15:30. Siðan er kaffikl 16 ogfræðsla eftir það. 

 

Dagskrá föstudaga 17. okt.kl 20:00

Helgi G Garðarsson: Fleiri brot úr Grettissögu.

Um erfiða hegðun Grettis á barnsaldri

 

 

Dagskrá laugardaga kl 15:30 hugleiðing/íhugun, kl. 16 kaffi, umræðuefni

18. okt.

Haraldur Erlendsson sér um íhugun og

fjallar frekar um eldmöntrur og Agni

Hávamál Indíalands (Bhagavad Gíta) fer að koma í búðir Eymundsson

 

 

 Þá mælti Arjúna:

 

33. Þú segir, Krishna! að þetta yoga, sem þú kennir, sé hugarrósemi.

En ég fæ ekki skilið, að það fái nokkura festu

sakir eirðarleysis.

 

34. Hugurinn, Krishna! er vissulega eirðarlaus. Hann er

baldinn, ólmur og óstýrilátur. Og ég held, að hann verði

naumast taminn fremur en vindurinn.

 

Þá mælti hinn dýrðlegi drottinn:

35. Víst er um það, þú hinn armsterki! að torvelt er að

temja hugann sakir þess, hve eirðarlaus hann er. Þó er

vinnandi vegur að temja hann með sífelldum iðkunum

og stillingu.

 

36. Ég hygg, að þeim manni reynist örðugt að öðlast yoga,

er hefir ekkert vald á huga sínum. En hinum er það

vinnandi vegur, er lýtur frumvitund sinni, ef hann beitir

allri orku sinni vel. 

 

 

Hávamál Indíalands 

Að vera tíminn. Hugleiðsluvika (sesshin) hjá Zen á Íslandi

„Að vera tíminn“ – hugleiðsluvika (sesshin)

Hugleiðsluvikan „Að vera tíminn“ verður 15. til 18. október og er haldin að Grensásvegi 8. Við færum iðkunina einnig út í daglegt líf og erum til skiptis í setusalnum, vinnunni og heima. Miðvikudagskvöldið 15. október byrjum við kl.19:30-21:00 í setusalnum Grensásvegi, höldum svo áfram næsta morgun kl.07:00-08:30 í setusal. Við komum svo aftur kl.17:00-20:45 og endurtökum svo leikinn daginn eftir. Laugardaginn 18. okt. mætum við í setusalinn kl. 07:00 og erum þar til kl. 17:00.  Með þessari tilhögun skapast gott tækifæri til að takast á við sesshiniðkun (sesshin þýðir „að snerta og hug og hjarta“) sem gefur iðkandanum sanna mynd af sjálfum sér og iðkuninni. Það er upplagt að skoða hvaða möguleika við höfum á að taka þátt og hafa samband um tillögur t.d. fyrir þá sem ekki hafa tekið þátt í sesshin áður. Verð fyrir sesshin er 10.000 kr. en fyrir fasta iðkendur sem greiða félagsgjald 6000 kr.
Skráning á [e-mail]

Dalai Lama fjallar um upprætingu þjáningarinnar

Hinn 14. Dalai Lama fjallar um upprætingu þjáningarinnar

Fyrirlestur í Barbican Centre í London 1997.

Orsakir þjáningarinnar eru tvenns konar:

1) Afleiðingar karma og 2) Vegna eðlis al­heims­ins. Öll þessi orsakatengsl geta verið afar flókin. Neikvæðar hugsanir og tilfinningar eru orsök slæms karma. Í Kalachakra Tantra er sérstaklega farið í vissar orsakir karma. Til að orsakir verkn­aðar geti valdið karma þarf verk­naðurinn að vera gerður af yfirlögðu ráði og með ákveðinn tilgang í huga. Orsakir eru þrenns konar: jákvæðar, nei­kvæðar og hlutlausar. Hug­urinn að baki verkn­aðar getur verið missterkur og þá með viðeigandi afleiðingum. Þegar til­gangur verknaðar er já­kvæður er mikilvægt að framkvæmd hans sé gerð af heilum hug og öðrum til góðs. Í búddisma eru allnákvæmar skil­greiningar á nei­kvæðum, jákvæðum og hlut­lausum orsökum. Andlegum leitanda ber að stefna á andlegt frelsi undan samsara (hjóli lífins) og í fyrstu ætti hann að gefa gaum að hegðun sinni og vera vakandi gagnvart neikvæð­um tilhneigingum sínum.

    Ef við spyrjum hvort hin æðri veruleiki eigi orsök sína að rekja til karma, er svarið nei. Ef hins vegar við spyrjum hvort efnisheimurinn og mannshugurinn eigi orsök sína í karma, er svarið já. Heimurinn í heild sinni, alheimurinn, upphaf hans í stórusprengju (big bang) er hins vegar ekki af völdum karma. Þar er um að ræða grund­vallar nátturulögmál.

 

   Er við tölum um orsakir karma er hina upp­runalegu orsök að finna í blekkingu. Varðandi anatman eða anatta er átt við blekkjandi hug­myndir mannsins um égið o.s.frv. Óvinir okkar eru blekkjandi, neikvæðar hugsanir og tilfinn­ingar, sem við verðum að uppræta. Þessir óvinir fylgja okkur hvert sem við förum. Við getum ekki losnað við þá með því að fara eitthvert. Hvort sem ég er í Potala (höllinni í Lhasa), Dharamsala eða hér í London – þá fylgja þessir óvinir mér (hlátur). Reynið því virkilega að takast á við þessa óvini, því það er mögulegt. Við verðum að rekja tilfinningar og hugsanir til uppruna síns, vera vakandi fyrir þeim neikvæðu og leggja þeim jákvæðu lið. Verum vakandi fyrir tilfinningum okkar og uppgötvum innri frið og hamingju. Við verðum að skilja að það að ná æðsta vitundarstigi byggist ekki á einhverjum helgiritum eða kennivaldi, heldur því að finna það af eigin rammleik. Grunnur moksha (andlegs frelsis) byggist á tóminu og upprætingu allra blekkinga. Er við tölum um tómið í búddisma erum við að ræða fjarveru einhverra hluta. Af hverju þurfum við að afneita einhverju? Óttumst við eintthvað? Til að skilja þennan ótta þurfum við að nálgast hann með jákvæðum hætti, að það sé jákvætt að losna undan blekkingu og þá hverfur óttinn. Við þurfum sem sagt að losna undan blekkingu t.d. um að sjálfið sé ákveðinn aðskilinn hlutur. Misskiliningurinn liggur aðeins í því og að efnisgera sjálfið. Að neita þessari efnisgerð er kjarni kenningarinnar um anatman. Með afneitun afneitum við hins vegar ekki orsakasamhengi karma. Tómið þýðir heldur ekki óraunveruleiki.

 

Halldór Haraldsson tók saman af myndbandi.