Lífspekifélagið um helgina - Heilög þrenning og hugleiðing

 

15. mars föstudagur kl 20,00
Jón E. Benediktsson: Heilög þrenning.
Ýmsar kenningar um þríeiningu sem finna má í trúarbrögðum, dulspeki og mystík

16. mars. laugardagur
kl 15:30 Hugleiðing/íhugun
Kl 16:00 Kaffi
Kl 16:30 Þorgerður Jóhanna Guðmundsdóttir leiðir hugleiðingu og spjallar um reynslu sína af henni.
Umræður.

www.lifspekifelagid.is

 

Lífspekifélagið - Félag fyrir þá sem ekki vilja vera í félögum

Mig langar í þessu sambandi að tilfæra orð Sigvalda Hjálmarssonar um Guðspekifélagið [Heitir nú Lífspekifélagið] í gömlu erindi, en hann orðaði þessa hluti manna best sem ég þekki. Hann sagði eitthvað á þessa leið:

   ,,Þörf er á félagi sem tekur alla tilveru mannsins fyrir sem eina heild og er utan við alla skóla og sérgreinar, og án þess að verða sjálft þannig ... Félag sem er leið milli trúar og vísinda; finnur vísindin í trúnni og andlegheitin í vísindunum ... Félag fyrir þá sem vilja vita sjálfir og reyna fyrir sér sjálfir ... sem vilja rannskaka og gefa gaum að ýmsu sem enginn annar vill gefa gaum ...  Að athuga hvaðeina eins og það er. Td. Taoisma eins og Taoistar skilja hann ... Að athuga þann möguleika að bæta heiminn með því að bæta sjálfan sig.

   Félagið á að vera opinn vettvangur fyrir beinar alhliða athuganir einstaklinganna á eðli mannsins, lífi hans og vitund.

   Félagið er samtök sem byggjast á frelsi ... Ekki samtök manna sem hafa sömu skoðanir, heldur hafa áhuga á sömu athugunum.

   Slíkt félag er mögulegt nú á tímum vegna vitundarþroska, þekkingar og samgangna sem gerir mögulegt að tengja saman menningarheildir, heimspeki, trú og vísindi allra tíma. Við vonum að fólk sé komið á það stig að gera athugað án þess að vera annaðhvort með að á móti. og þar með er komin ný merking í hugtakið ,,aðhyllast": Að telja eitthvað þess virði að það sé athugað gaumgæfilega.

Guðspeki [Lífspeki] er þá að nálgast sannindin sífellt betur og betur, óháð kenningum og kennisetningum og leyfa sér ekki að stansa við neinar niðurstöður."

...

Ég hygg að Guðspekifélagið [Lífspekifélagið] komist næst því að geta hýst þessa manntegund, því það er eiginlega ,,félag fyrir þá sem ekki vilja vera í félögum." 

 

Brot úr grein eftir Geir Ágústsson sem birtist í hausthefti Ganglera árið 1987.

Hægt er að fá gömul hefti af Ganglera á 100 kr. í Lífspekifélaginu.

www.Lifspekifelagid.is

Hver einasti maður, hver einasta lifandi vera, ekki-þekkir guð ...

Hver einasti maður, hver einasta lifandi vera, ekki-þekkir guð, og kemst ekki með nokkru móti hjá því. Gerðu ekki orðið „guð” að fortjaldi milli þín og þeirrar reynslu sem er guð. Guð er ekki einasta hér og nú, hann er nær þér en hér og nú. Hann er nær þér en þín eigin tilfinning fyrir að vera til. Hann er það sem er eftir þegar allt hefur verið tekið frá þér. Hann verður ekki fundinn, enda ekki hægt að glata honum — öllu öðru geturðu glatað. Þú getur afneitað öllu öðru og „syndgað” á móti öllu öðru, en ekki honum, því hann er bæði í afneituninni og syndinni.

Sigvaldi Hjálmarsson – Úr bókinni Stefnumót við alheiminn sem senn verður endurútgefin og mun fást hjá Lífspekifélaginu.

Lifspekifélagið um helgina - 150 ár liðin frá fæðingu Vivekananda og hugleiðing

 

Föstudaginn 8. mars kl. 20:00.
Erindi: Halldór Haraldsson: 150 ár
liðin frá fæðingu Swami Vivekananda.
Þessa er minnst víða um heim og mikil     hátíðahöld á Indlandi í tilefni þessa afmælis. Vivekananda var fyrsti raunverulegi yoginn sem heimsækir Vesturlönd. Fjallað eru um ævi, störf og kenningar Vivekananda og þau hátíðahöld sem nú fara fram.

 

9. mars laugardagur
kl 15:30 Hugleiðing/íhugun
Kl 16:00 Kaffi
Kl 16:30 Birgir Bjarnason leiðir hugleiðingu og fjallar um hugrækt og iðkun íhugunar.

www.lifspekifelagid.is

Lærðu að meta líf þitt

„Ekki falla í gryfju tvíhyggjunnar. Vertu sannarlega eitt með lífi þínu sem hinn óræði hugur nirvana.“

Laugardaginn 9. mars nk. kl. 10:15 - 11:15 mun Gunnlaugur Már Pétursson kynna fyrir okkur þýðingu sína á kaflanum „Lærðu að meta líf þitt“ úr samnefndri bók eftir Zen meistarann Taizan Maezumi (1931-1995), en hann var einn af fyrstu Zen kennurunum sem kenndi á Vesturlöndum. Allir eru velkomnir.

www.zen.is

Bústaðarferð fyrir kriya yoga iðkendur

Bústaðarferð 22. -  29. mars

Vikuna 22. - 29. mars verður bústaðarferð fyrir kriya yoga iðkendur. Tilgangur ferðarinnar er að stunda hugleiðslu, vera í góðum hópi og ræða andleg málefni.

Þeir sem hafa áhuga vinsamlegast hafið samband við Gumma í síma 6918565.
Verði fyrir vikuna er 5000 kr.

www.kriyayoga.is

Lífspekifélagið um helgina - Vilborg Davíðsdóttir og Sigvaldi Hjálmarsson

 

1. mars föstudagur kl. 20:00
Vilborg Davíðsdóttir: Auður djúpúðga og aðdrangandi Íslandssögunnar:
Að skrifa um það sem aldrei verður vitað fyrir víst.
Fyrirlestur Vilborgar fjallar um bækur hennar um landnámskonuna Auði djúpúðgu Ketilsdóttur,
Auður (2009) og Vígroði (2012) og sýnir hún myndslæður frá sögusviði þeirra á Írlandi og Bretlandseyjum.

2. mars laugardagur
kl 15:30 Hugleiðing/íhugun
Kl 16:00 Kaffi
Kl 16:30 Myndband með Sigvalda Hjálmarssyni um Rödd þagnarinnar 3

www.lifspekifelagid.is

Hjartans Ósk: Fyrirlestur um Zen, laugardaginn 2. mars kl. 09:15 - 10:15

 

Laugardaginn 2. mars nk. kl.09:15 - 10:15 mun Mikhael Zentetsu Óskarsson halda stuttan fyrirlestur um Zen sem ber yfirskriftina „Hjartans Ósk“. Allir eru velkomnir.

 

www.zen.is

Do not believe in anything ...

 

Do not believe in anything simply because you have heard it. Do not believe in anything simply because it is spoken and rumored by many. Do not believe in anything simply because it is found written in your religious books. Do not believe in anything merely on the authority of your teachers and elders. Do not believe in traditions because they have been handed down for many generations. However, after observation and analysis, when you find that anything agrees with reason and is conducive to the GOOD and BENEFIT of ONE and ALL, then accept it and live up to it.

Buddha

Höfðu dulspekingarnir rétt fyrir sér? Nýtt meginland fundið á botni Indlandshafs

Árið 1864 setti enski land- og dýrafræðingurinn Eric Sclater fram djarfa kenningu. Hann hafði verið að velta fyrir sér af hverju sumt í dýralífi eyjarinnar Madagaskar við Afríkustrendur virtist skyldara dýralífi Indlands en Afríku. Og kenning hans var sú að Indland og Madagaskar hefðu í fyrndinni verið tengd.

Bæði hefðu verið hluti af gríðarstóru landflæmi sem fyllti upp í nálega allt það svæði sem nú er Indlandshaf, en mestur hluti þess hefði síðar sokkið í sæ.

Sclater var reyndar ekki sá fyrsti sem lét sér detta þetta í hug. En hann gekk lengra í kenningasmíðinni en áður hafði verið gert, og gaf meira að segja nafn því sokkna meginlandi sem hann taldi hafa verið milli Indlands og Madagaskar.

Hann kallaði það Lemúríu með tilliti til lemúranna sem byggja Madagaskar, þótt reyndar muni skilningur hans á skyldleika lemúra við aðra prímata hafa verið fremur lítill.

Kenning Sclaters vakti nokkra athygli en brátt sannfærðust vísindamenn þó um að hún gæti ekki verið rétt. Engin merki fundust um það stórfenglega horfna meginland sem þurfti til að ná milli Indlands og Madagaskar. Þegar komið var töluvert fram á 20. öld náði svo landrekskenning Wegeners loksins fótfestu og skýrði flest af því sem Sclater hafði verið að glíma við.

Indland og Madagaskar höfðu verið tengd hvort við annað, en síðan rekið í sundur vegna krafta í iðrum jarðar.

Þótt jarðvísindamenn hafi afskrifað hugmyndir um Lemúríu, þá lifði hún áfram í verkum dulspekinga alls konar. Þeir höfðu strax heillast af kenningunni um hið horfna meginland. Hinn frægi dulspekingur Helena Blavatsky komst til dæmis í dulrænt samband við Lemúríu og komst að því að þar hefði eitt sinn búið risavaxið og hreinlundað mannkyn sem var tvíkynja og verpti eggjum.

 

Lesa greinina í heild: http://www.pressan.is/Frettir/Lesafrett/hofdu-dulspekingarnir-rett-fyrir-ser-nytt-meginland-fundid-a-botni-indlandshafs