Orkustöðvarnar

 

Það hafa verið gefnar út margar greinar um leyndardóma orkustöðvanna og hvernig á að nota þær til heilunar. Í þessum kafla er lögð eingöngu áhersla á hvernig á að hreinsa þessar stöðvar til andlegrar vakningar og hvernig á að viðhalda sterkri orku. 
Orkustöðvunum er lýst sem lótusblómum með mismunandi fjölda krónublaða sem viðhalda undraverðri orku.  Sumir hallmæla þeim sem dulspekilegu bulli sem skortir alla efnislega undirstöðu.  Enn aðrir vara við þeim hættum sem gætiu fylgt því að örva þær, sérstaklega kundalini orkunna sem er sögð geymd í snákslíki við rætur hryggjarsúlunnar.

Í orkustöðvunum búa ýmsir mannlegir kostir og verður sagt frá tengslum þeirra við hverja orkustöð, og bent á leiðir til að koma auga á kosti þeirra, stjórna þeim og beina að takmarki fullkominnar hamingju í stað þess að fjalla um huglægar orkustöðvar, margslungin form þeirra,  fjölda krónublaða á hverri o.sv.fr. 

Raunverulegur hagur

Aðalatriðið  er hver hinn raunverulegi hagur er og hver verður afleiðing þróunar orkustöðvanna með andlegri ástundun. Hverning við getum öðlast  auðlegð, frægð, fullnægu  tilfinninga okkar, skapandi hugsun og að lokum andlegan skilning með því að virkja og þekkja orkustöðvar okkar? Það er þetta sem þessi grein fjallar um. Hver orkustöð býr yfir  óhemju miklum möguleikum, sem getur fullnægt okkar dýpstu þrám og einnig steypt okkur út í hina dýpstu örvæntingu. Þegar við einu sinni höfum lært að hafa stjórn á orkustöðvunum með hugleiðslu, eru okkur engin takmörk sett í líkamlegri, efnislegri, tilfinningalegri og andlegri viðleitni.
Hinar sjö aðalorkustöðvar liggja meðfram  hryggjarsúlunni. Frá heilanum koma þúsundir taugabrauta, sem á nokkrum stöðum í mænunni eru mjög nálægt hver annari. Þegar slíkt gerist, verða til nýjar rásir eða orkusvæði. Þessi orkusvæði eru kölluð orkustöðvar. Það er  ekki hægt að benda á orkustöðvarnar líffræðilega. Þær eru hárfín orkusvæði í hryggnum. Það eru þessi sjö aðal orkusvæði sem kallast orkustöðvar eða lótusar. Nú á tímum eru þær einnig kallaðar “plexuses”. Þær eru:

• Muladhara orkustöð, rótarstöð eða peningastöð við rófubein (neðst í hryggnum)
• Swadishthana orkustöð, við spjaldhryggur, önnur orkustöð sem er staðsett í spjaldsvæðinu.
• Manipura orkustöð,  naflastöð við lendarsvæði 
• Anahata orkustöð, við brjóstsvæði, hjarta orkustöð er í brjóstbaki
• Visuddaha orkustöð, hálsstöð í hálssvæði
• Ajna orkustöð, sálarorkustöð nálægt heiladingli
• Sahasrara orkustöð, höfuðstöð og er efst á hvirflinum 

Hryggurinn eða mænurásin er sett saman af  33 hryggjarliðum, þar af eru fjórir sem eru vaxnir saman og orðnir að einu beini, spjaldbeininu. Neðst í hryggnum þar sem hann er samvaxinn er Muladhara orkustöðin staðsett. Það eru 24 hryggjarliðir sem sjá um 24 grunnreglur líkamans. Sá sem getur með einbeitingu  haft stjórn á hryggnum getur líka haft stjórn á þessum 24 grunnreglum. Þær eru:  fimm element / frumefni (jörð, vatn, eldur, loft og himin), tíu skynfæri (fimm með tilfinningalega skynjun – tunga, húð, nef, eyru og augu; fimm með hreyfiskynjun – munnur, fætur, hendur, æxlunarfæri og endaþarmsop), fimm lífsnauðsynlegir andardrættir, og fjögur innri verkfæri: (hugur, vitsmunir, sjálfið og minni).

Heldur en að fara ítarlega í tæknilega umræðu um eiginleika hverrar orkustöðvar fyrir sig, verður lögð áhersla á þann ávinning, sem þekking á  hvaða hlutverkaskipan sem hver þeirra hefur,  og hvernig við getum haft stjórn  á þeim öllum. Þannig getum við fengið ótakmarkaðan frið og aukna hamingju. Orkustöðvarnar eru verkfæri fyrir framvindu og frelsun mannkyns.

Paramahamsa Prajnanananda - The Universe Within

Sjá meira hér:http://www.kriyayoga.is/chakras/Chakras.html