Í kyrrð og ró fögnum við hinum einföldu furðum hvers einasta dags.

 

Þetta saklausa hjarta, okkar búddaeðli, andans barn, það sem er heilagt hér innra, er aldrei vanvirt og týndist aldrei. Það fæðist aldrei og deyr aldrei. Að sjá á þennan hátt er að sjá eins og taóið segir ,,með augum sem hafa verið hreinsuð af þrá". Þegar við vekjum þetta saklausa hjarta finnum við okkar sanna samastað. Í kyrrð og ró fögnum við hinum einföldu furðum hvers einasta dags.

 

Zenmeistarinn Dogen minnir okkur á:

 

Að lifa einn dag er nóg til þess að fagna. Þó maður lifi bara einn dag - og ef maður vaknar, þá er þessi eini dagur svo miklu miklu meira en heil ævi í svefni... En ef maður glatar þessum eina degi af hundruð ára ævi, mun maður þá nokkurn tíma festa hendur á honum aftur?

 

 

Jack Kornfield - Um hjartað liggur leið. Leiðsögn um fyrirheit og hættur andlegs lífs.