Lausnin

 

Mystíkerinn snéri aftur úr eyðimörkinni.

,,Segðu okkur," sögðu þeir, ,,hvernig Guð er."

En hvernig átti hann að geta sagt þeim hvað hann

hafði reynt í hjarta sínu? Er hægt að setja Guð í orð?

   Loks lét hann þá hafa formúlu - svo ónákvæma og

ófullnægjandi - í þeirri von að einhverjum þeirra yrði

ögrað til að upplifa þetta sjálfum.

   Þeir þrifu í lausnina. Gerðu hana að helgum texta.

Þeir þvinguðu hana upp á aðra sem helgan átrúnað.

Þeir gengu í gegnum miklar þrengingar við að útbreiða

hana í fjarlægum löndum. Sumir létu jafnvel lífið fyrir hana.

   Mystíkerinn var hryggur. Það hefði líklega verið betra

ef hann hefði ekkert sagt.

 

Anthony de Mello

Úr hausthefti Ganglera frá árinu 1993. Sjá áskrift hér: http://www.gudspekifelagid.is/gangleri.htm