Sannleikurinn deyr þegar hann er bundinn í orð

 

1 Orð eru einsog stiklur; ef við notum þau ekki af lipurð og léttleika eigum við á hættu að drukkna í rökflækjum og vitfimi.

 

2 Þau geta vissulega bent í átt að Sannleikanum. En aðeins orðlaus, algildur skilningur getur fætt hann.

 

3 Og að ætla sér að fanga Veruleikann í orð og hugmyndir er tilraun til að smala hinu óþekkjanlega inní rétt hins þekkjanlega.

 

4 Það er því engin furða að leitandanum finnist stundum að hann sitji fastur í mýrarfeni hugtakanna. Því satt er það sem sagt er: Sannleikurinn deyr þegar hann er bundinn í orð.

 

 

Vésteinn Lúðvíksson - Tunglskin sem fellur á tunglið og fleiri bendingar í átt til þess-sem-er