Þann sem er allur eitt ,,ég" er ekki unnt að vekja

 

Krishnaji: Bíðum við! Þann sem er allur eitt ,,ég" er ekki unnt að vekja. Hann kærir sig kollóttan. Hann hlustar ekki á mann. Hann hlustar, ef honum er lofað einhverju, himnaríki, helvíti, ótta eða auknum veraldargæðum, meiri peningum; en hann gerir það til að hagnast á því. Því er sá maður vanþroska, sem sækist eftir hagnað og árangri.

 

 

Swamiji: Vissulega.

 

Krishnaji:Hvort heldur það er nirvana, himnaríki, lausn (lausn frá hjóli endurfæðingar og dauða), þekking eða uppljómun, sem hann sækist eftir, þá er hann vanþroska. Nú hvað viltu gera við slíkan mann?

 

Swamiji: Segja honum sögur.

 

Krishnaji: Nei, gera hann enn ruglaðri með sögum, mínum og þínum? Hví læturðu hann ekki eiga sig? Hann hlustar hvort sem er ekki á þig.

 

Meistarinn og leitin - J. Krishnamurti og Swami Venkatesananda talast við. Þorsteinn Valdemarsson íslenskaði.