Sólskin í sálinni

Mystísk upplifun er algeng í trú, þó ekki ýkja miklu algengari en á öðrum sviðum mannlegrar reynslu. Trúarbrögð, trúarform, játningar og kennisetningar vilja færa hana í kaf. Hún þolir illa orð, form og reglur. Minnumst þess að Halldór Laxness segir að það megi ekki segja aðalatriðið í orðum því þá hætti það að vera til. 

... heyrt hef ég getið um lítinn dreng sem staldraði nokkra stund við hjá altari kirkju nokkurrar, og þegar hann var spurður hvað hann væri að gera þá svaraði hann: „Ég var að tala við guð og láta mér þykja vænt um hann.“ Þessi drengur þurftir engan sérstakan búning, enga siði, engar formúlur. Hann var heldur ekki að biðja guð um neitt, hann var að láta sér þykja vænt um hann.  

 

Sigvaldi Hjálmarsson     

 

 

 

Þessi textabrot eru úr erindinu Sólskin í sálinni sem Sigvaldi Hjálmarsson flutti í nóvember árið 1967. Erindið er hægt að fá á CD-diski niðri í Lífspekifélagi ásamt fjórum öðrum erindum með Sigvalda.