Lífspekifélagið - Dagskrá

Föstudaginn 18. mars kl. 20:30 talar Anna Valdimarsdóttir rithöfundur um það sem henni er hugleikið. (Breyting frá áður auglýstri dagskrá)

 

Hugleiðing og fræðsluefni frá Sigvalda. Á laugardögum kl. 14:00

 

Á laugardögum er opið hús frá kl. 15 - 17 með dagskrá kl. 15:30.

 

Laugardaginn 19. mars Kvikmynd um andleg efni.

 

 

Í Lífspekifélaginu (áður Guðspekifélagið) geta menn kynnst á tiltölulega stuttum tíma, straumum og stefnum í andlegum málum, þeir frétta um athyglisverðar bækur og tímarit og kynnast öðru fólki sem hefur svipuð áhugamál, þeir læra af reynslu annarra og miðla um leið sínum eigin skilningi. Guðspekifélagið er ekki varnargarður utan um einhverjar kenningar eða átrúnað; það boðar enga kenningu og getur þar af leiðandi ekki sóst eftir áhangendum. Það er því ekki trúfélag né “dulspekifélag" eins og margir virðast halda. Félagið er samtök venjulegs fólks sem hefur það óvenjulega áhugamál að vilja kanna leyndardóma mannsins og vitundar hans, fólks sem vill nema eftir sinni eigin getu og í samræmi við eigin persónulega hæfileika. Forsenda slíkrar leitar eða náms er innra frelsi, frelsi til að leita, sem er að vera óbundinn af trúarsannfæringu og frelsi til að tjá skilning sinn.

Guðspekifélagið er vettvangur einstaklinga sem vilja sameinast um spurningar en ekki um svör,
sem vilja leita eftir skilningi en ekki sannfæringu.