Zen á Íslandi heldur upp á afmæli Buddha með opinni zazen dagskrá

 

Samkvæmt venju er afmæli Búdda haldið í heiðri í byrjun apríl með ýmis konar hátíðarhöldum. Zen á Íslandi – Nátthaga ætlar að halda upp á þessa hátíð í þetta skiptið með því að bjóða öllum, sem hafa áhuga, að taka þátt í opinni zazen dagskrá laugardaginn 14. apríl næstkomandi.

   Þeir sem vilja taka þátt geta komið á Grensásveg 8 hvenær sem er frá kl.11:00 – 17:00 og setið í hugleiðslu og/eða iðkað gangandi hugleiðslu, eins lengi og hverjum og einum þykir best.

Boðið verður upp á veitingar kl. 13:30 og er þátttakendum velkomið að leggja eitthvað á borðið, eða koma með blóm til að setja á altarið, eins og gjarnan er gert á afmæli Búdda.

Allir eru velkomnir, og leiðbeining í sitjandi og gangandi zen hugleiðslu er í boði fyrir þá sem þess óska.

 

www.zen.is