Fræðslufundur hjá Alúð, félagi um núvitund og vakandi athygli

 

Fræðslufundur hjá Alúð, félagi um núvitund og vakandi athygli Alúð, nýstofnað félag um núvitund og vakandi athygli (mindfulness), stendur fyrir fræðslu- og félagsfundi fimmtudaginn 7. febrúar kl. 17  í húsi Lífspekifélagsins að Ingólfsstræti 22.

Á dagskrá eru tvö erindi: Margrét Bárðardóttir sálfræðingur talar um núvitund/vakandi athygli í sálfræðilegri meðferð. Hildur Jónsdóttir sálfræðingur talar um vakandi athygli með börnum og unglingum. Anna Valdimarsdóttir sálfræðingur setur fundinn og segir stuttlegafrá stofnun félagsins.

Að erindunum loknum eru kaffiveitingar og umræður á dagskrá og tækifæri gefst fyrir áhugasama að skrá sig í félagið. Félagsgjald er aðeins kr. 500.- og tækifæri til að greiða það á staðnum (í reiðufé). Allir velkomnir.