Nálgun að Zen - Námskeið

Miðvikudaginn 11.september nk. kl.19:30 hefst nýtt námskeið hjá Zen á Íslandi – Nátthaga. Námskeiðið ber yfirskriftina „Nálgun að Zen“ og verður alls 5 miðvikudagskvöld í röð kl.19:30-21:00. Námskeiðið er ætlað þeim sem ekki hafa iðkað Zen áður og vilja feta sig inn í Zen iðkun en aðrir með reynslu af Zen eða annarri hugleiðslu eru einnig velkomnir . Þátttakendum verður kennd formleg Zen iðkun í setusal og einnig verður farið yfir hvernig við færum iðkunina inn í daglegt líf. Við þetta blandast fræðsla um grunnatriði Búddismans eins og hann birtist í kennslu Búdda um uppruna innri þjáningar, ófullnægju og ótta, og leiðina til skilnings og umbreytingar. Einnig verður fjallað um kennslu ýmissa kennara úr Zen hefðinni sem og öðrum hefðum búddismans. Innifalið í þátttökugjaldi er dagleg iðkun á meðan á námskeiðinu stendur.

Leiðbeinendur á námskeiðinu verða þau Helga Kimyo og Ástvaldur Zenki , sem hafa hlotið prestsvígslu hjá Jakusho Kwong-roshi, kennara Zen á Íslandi – Nátthaga, og gegna einnig stöðu aðstoðarkennara í Nátthaga.
Þátttökugjald er 15.000 kr. Námskeiðið fer fram í aðsetri Zen á Íslandi á Grensásvegi 8, 4.hæð. Skráning fer fram með því að senda tölvupóst á [e-mail].