Vitundin hefur vitund um sjálfa sig

 

Með orðum verður því eigi lýst sem þú ert. En það sem ríkir í
hljóðum huga hlýtur að kallast kyrrð. Einhver óskilgreinanlegur óendanleiki, kyrr og óbifanlegur, gæddur eðli lífs og vitundar, kemur í ljós þegar innihald hugans, hughræringarnar, þokar um set.
Sú kyrrð er vitundin sjálf, ódulin, ótrufluð, þú sjálfur, ekki það sem gerist, heldur það sem er. Vitundin hefur vitund um sjálfa sig.
Nánar: Vitund þín í því ástandi sem kallast hljóður hugur er
bakgrunnur alls sem gerist alla tíð bæði nú og áður. Munurinn er einungis sá að áður hafði það sem gerist þig á valdi sínu. Nú finnurðu þig vera það sem er og verður var við sjálfan þig virða fyrir þér það sem gerist.

Sigvaldi Hjálmarsson - Stefnumót við alheiminn.

Bókin fæst hjá bóksölu Lífspekifélagsins. Sjá: http://www.lifspekifelagid.is/bokathonusta/default.htm