Ég-ið

 

Ég-ið er einhver skringilegasta uppáfinning ímyndunareðlisins. Það er hugmynd, ekki upplifun, ekki einu sinni hugmynd um veruleika, heldur hugarburður. Ef þú reynir að finna ég-ið þá grípur þú í tómt.

Misskilningurinn liggur í því að þú ruglar saman vitundunni um að vera og þessari hugmynd sem kölluð er ég, og svo heldurðu kannski að þú hættir að vera til ef þú uppgötvar að til er ekkert aðgreint ég.

Þetta tvennt er ósambærilegt. Vitundin um að vera er ópersónuleg og án takmarkana; ég-ið er persónulegt og gerir undantekningarlaust ráð fyrir aðgreiningu, sbr. ég og þú, ég og hinir.

 

 

Sigvaldi Hjálmarsson - Eins konar þögn

Athugasemdir

[Óskar Arnórsson, 5.7.2010 kl. 12:21]

Skemmtileg pæling hjá þér.

[OM , 5.7.2010 kl. 15:07]

Já, þetta er skemmmtileg pæling en því miður ekki frá mér kominn heldur frá Sigvalda Hjálmarssyni.  

[Óskar Arnórsson, 5.7.2010 kl. 18:08]

Alveg sama hvaðan hún er komin. Hún er góð engu að síður. Það eru ekki nógu skýr "landakort" til af meðvitund mannsins. Eða útskýringar. þessi er góð því hún notar orð og hugtök sem eru "venjuleg", hvað svo sem það er...venjulegt mál kanski.