Þýðir nokkuð að reyna að breyta öðrum? Brot úr viðtali við Sigvalda Hjálmarsson

 

-Þýðir nokkuð að reyna að breyta öðrum?

-Ég hef aldrei haft neina löngun til að breyta öðrum, finnst slíkt fjarstæða og upphaf sundurlyndis, kúgunar og styrjaldar. Gleymum því ekki að mestu glæpir mannkynssögunnar hafa verið framdir í góðum tilgangi - eða svo héldu þeir sem frömdu. En ef einhver hefur hug á að breyta einhverju sjálfur viðvíkjandi sjálfum sér og því sem honum kemur við þá stendur honum til boða að læra af minni smávægilegu reynslu. Það er allt og sumt. Enginn fræðir eða upplýsir svo gagn sé að nema með því sem hann sjálfur er. Þarfasta góðverk hvers og eins í þágu mannkynsins er að taka sjálfan sig í gegn. Þannig hygg ég að unnt sé að breyta heiminum að einhverju marki. Vandinn er að vera hollt fordæmi.

 

Sérðu það sem ég sé? Brot úr viðtali við Sigvalda Hjálmarsson sem birtist í hausthefti Ganglera árið 1983. Spyrill var Birgir Bjarnason.