Fyrirhafnarlaus og ótakmörkuð varurð er raunverulegt eðli okkar allra - Notaði Krishnamurti stiga?

 

Maður frá Sri Lanka spurði [Ramana]: J. Krishnmurti kennir leið hinnar fyrirhafnarlausu varurðar, þar sem hún er ekki látin taka eitt fram yfir annað í upplifuninni - gagnstætt skipulögðum hugræktaræfingum. - Vill Ramama vera svo góður að gera grein fyrir heppilegustu aðferðinni við hugleiðingu?

Ramana svaraði: Fyrirhafnarlaus og ótakmörkuð varurð er raunverulegt eðli okkar allra. Ef einhver getur haldið sig við það er það auðvitað langbest, en það kostar flesta einhverja fyrirhöfn að gera þetta viðvarandi. Sú fyrirhöfn er ævinlega skipulagðar hugræktaræfingar. Hinar rótgrónu tilhneigingar gera hugann úthverfann og upptekinn af aðgreindum fyrirbærum. Þessu verður að breyta og það kostar fyrirhöfn og æfingu, a.m.k. fyrir flesta. Ef svo væri ekki þá væri sá hinn sami sjálfkrafa þessi fyrirhafnarlausa varurð án þess að gera neitt. En ef þú getur þetta ekki, þá verðurðu að finna einhverja aðferð til að kyrra hugann sem þér fellur og halda þér við hana.

 

G.Á. sneri út The teachings og Ramana Maharshi - Brot út lítilli grein sem birtist í hausthefti Ganglera frá árinu 1984.