Brot úr Sjálfsævisögu yoga

 

Sem heimilisfaðir og yogi flutti Lahiri Mahasaya hagnýtan boðskap, sem fellur að þörfum Indlands á vorum tímum. Ágætt hagkerfi og trúarleg skilyrði hins forna Indlands eru ekki lengur við 1ýði. Þess vegna ól hinn mikli yogi ekki á hinni fornu hugsjón yogans um fótgangandi meinlætamann með betliskál. Hann lagði áherslu á yfirburði nútíma yogans, sem vinnur fyrir daglegu brauði, óháður náð þjóðfélagsins, maður sem hefur í mörg horn að líta og leggur stund á yoga í einrúmi á heimili sínu. Við þessi ráð bætti Lahiri Mahasaya sínu eigin örvandi fordæmi. Hann er dæmi um fyrirmyndar yoga á vorum tímum. Eins og Babaji mótaði æviferil hans, varð það hlutskipti hans að leiðbeina þeim, sem þráðu yogavisku, ekki aðeins í Austurlöndum, heldur einnig og miklu fremur á Vesturlöndum.

 

Ný von með nýjum mönnum. „Guðdómlegt samband“, sagði yogavatar, „er hugsanlegt fyrir eigin tilraun, en það er ekki komið undir guðfræðilegum trúarsetningum né gjörræðisfullum vilja alheims einvalda“.

Með því að beita kriya-lyklinum, munu þeir menn, sem ekki trúa guðdómseðli nokkurs manns, að lokum sjá fyllingu guðlegs anda hið innra með sér.

Sjálfsævisaga yoga – Brot úr 35. kafla, Krists-líferni Lahiri Mahasaya