Sai Baba látinn

 

Sathya Sai Baba, andlegur leiðtogi Hindúa víða um heim, lést í nótt, 85 ára að aldri, eftir stutt veikindi. Sai Baba var af mörgum álitinn helgur maður.

Þúsundir fylgismanna Sai Baba flykktust að höfuðstöðvum hans í Puttaparthi í Andhra Pradesh fylki á Indlandi þegar fréttir bárust af veikindum hans. Lögregla  bað í morgun fólk að sýna stillingu eftir að tilkynnt var um lát hans.

Milljónir fylgismanna Sai Baba töldu hann ráða yfir yfirnáttúrulegum kröftum sem gerðu honum meðal annars kleift að töfra fram hluti, muna eftir fyrri lífum og lækna banvæna sjúkdóma.

Sai Baba sagðist vera annar helgur maður, Sai Baba frá Shirdi, endurfæddur en sá lést árið 1918.  

Samtök Sai Baba hefur kostað verkefni sem tengjast heilsugæslu og menntun á Indlandi, þar á meðal sjúkrahús og heilsugæslustöðvar, sem segjast beita aðferðum sem ekki eru á valdi hefðbundinna læknavísinda. Stofnanir og skólar, sem tengjast Sai Baba, eru einnig til víða um heim.

Isaac Burton Tigrett, fyrrum eigandi Hard Rock Cafe veitingastaðakeðjunnar, var einn helsti fjárhagslegi stuðningsmaður Sai Baba um tíma. Hann bjó í Puttaparthi og gaf stofnunum á vegum Sai Baba mestallar eigur sínar.

 

Sjá: http://www.mbl.is/frettir/forsida/2011/04/24/sai_baba_latinn/ 

Athugasemdir

[Vilborg Eggertsdóttir, 25.4.2011 kl. 01:17]

~ Sathya Sai Baba hlýtur að hafa verið - andlegur Meistari -, sem ég reyni ekki að útskýra með hinum takmarkaða huga eða orðaforða, þetta er spurning um - skynjun!

[OM , 25.4.2011 kl. 11:39]

Hann hefur nú alltaf verið svolítið umdeildur og sérstaklega hin síðari ár en ég hef lítið fylgst með honum. Hannn sagði reyndar að hann myndi deyja 96 ára að aldri en dó 85 ára.