Sex vikna zen-hugleiðslunámskeið að hefjast

 

Mig langar til þess að vekja athygli ykkar á því að ég verð með 6 vikna námskeið sem hefst á miðvikudagskvöldið kemur kl. 19:30. Námskeiðið verður sem sagt næstu 6 miðvikudagskvöld og er haldið á Grensásveginum.

Markmið:
Markmið námskeiðsins er að kynnast zen búddisma, uppruna hans, þróun og hugmyndafræði. Einnig að læra zazen (sitjandi hugleiðslu) sem er hjarta zen.
Námskeiðið samanstendur af zazen, verklegum æfingum og fyrirlestrum. Markmiðið er ekki síst það að hefja reglubundna hugleiðslu sem hluta af sínu lífi.

Meðal efnis á námskeiðinu er: zazen: Staðan, öndun og líkamsbeiting, form í setusal, orð og hugtök, kyrjun, hversdags-zen, dagleg iðkun, kjarni zen iðkunar... og fleira.

Fyrir hverja?
Námskeiðið er fyrir alla þá sem hafa áhuga á zen búddisma og ekki síst fyrir þá sem vilja stunda reglulega hugleiðslu sem andsvar við því áreiti, hraða og ráðleysi sem einkennir okkar samfélag í dag.  Ekki síst fyrir þá sem vilja sjálfir sitja við stjórnvölinn í eigin lífi.

Námskeiðið er opið öllum og er frítt fyrir okkar reglulegu iðkendur sem borga mánaðargjald og þá sem eru í trúfélaginu.

Annars kostar námskeiðið 12.000,-kr. Innifalið í námskeiðinu er frí iðkun með Zen hópnum fram að jólum.

Nánar um námskeiðið hér: http://zen.is/?page_id=616

Ég vonast til þess að sem flestum af okkar fólki finnist þetta spennandi og endilega látið orðið berast ef það er einhver sem þið haldið að hefði gagn og gaman af þessu námskeiði.

Þeir sem hafa áhuga skrái sig með því að senda póst á [e-mail]

Bestu kveðjur,
Ástvaldur Zenki