Sesshin í Skálholti dagana 3. - 6. nóvember

Zen á Íslandi - Nátthagi mun standa fyrir sesshini í Skálholti dagana 3.- 6. nóvember nk., í samstarfi við franska zen meistarann Taiun Jean-Pierre Faure og söngu hans í Kanshoji í Frakklandi.

Taiun var nemandi Taisen Deshimaru í fjöldamörg ár og hefur gegnt ýmsum trúnaðarstörfum innan AZI (Association Zen International) sem eru regnhlífarsamtök nemenda Deshimaru. Hann gerðist síðan nemandi Donin Minamizawa, sem er annar tveggja ábóta Eiheiji, og Minamizawa-roshi gerði hann að dharma erfingja sínum árið 2003. Taiun stofnaði Kanshoji zen setrið í Dordogne-héraði í Frakklandi árið 2002 og hefur verið ábóti þess frá stofnun.

Taiun Jean Pierre Faure mun koma hingað til lands með 5 nemendum sínum frá Kanshoji, en hann hafði sérstaklega samband við Zen á Íslandi - Nátthaga  um að leiða sesshin í Skálholti í samstarfi við sönguna okkar. Þetta er í fyrsta skipti sem zen meistari fyrir utan Kwong-roshi leiðir sesshin á Íslandi og það er því mikill heiður og ánægja fyrir sönguna okkar að vera gestgjafar. Við munum einnig fá að kynnast sesshin-forminu úr þeirra hefð sem verður án efa áhugavert.

Komið verður í Skálholt  fimmtudagskvöldið 3. nóvember og sesshin hefst um morguninn föstudaginn 4. nóvember.  Verðið er 18.500 kr. 10% afsláttur fyrir félaga í  Zen á Íslandi -Nátthaga.  Þeir sem vilja skrá sig hafi samband sem fyrst  á: [e-mail]

Sjá frekar hér: http://zen.is/?page_id=40