Ég dó um tíma - Ég er sannfærður um það, að þetta er ákveðinn stökkpallur inn í miklu yndislegra líf

 

„Ég er sannfærður um það, að þetta er ákveðinn stökkpallur inn í miklu yndislegra líf.

Ég dó um tíma. Ég fékk brisbólgu svo heiftarlega að ég hvarf upp í loft á sjúkrastofunni á Landakoti og ég horfði niður á líkama minn, sem mér fannst vera eins og gúmmídúkka, ferlega ljót og óyndisleg.

Það hafði byrjað með því að ég sá tvær skuggamyndir af mönnum á veggnum. Svo er ég kominn upp í loft þarna og allt í einu lendi ég á landslagi þar sem eru lítil hús, sem ég lít nú á í dag að hafi verið eins konar symból um bústað.

Fyrir framan hvert hús var garður og í hverjum einasta garði – það var löng runa – var einhver að gróðursetja blóm. Mér þótti skrýtið að það voru aldrei tveir að gróðursetja blóm, heldur einn. Landslag var í raun og veru ekkert, en veðrið var heldur ekki neitt, það var logn. Húsin voru mjög vel máluð og skreytt, en trúðu mér: Þó ég leitaði í hundrað ár að sama bláa litnum sem ég sá, sama rauða litnum sem ég sá, þá mun hann aldrei finnast hér.

Þetta var fyrir handan?

Já. Þarna stend ég og ég segi allt í einu – og ég vissi af þessum tveimur verum fyrir aftan mig, ég sá þá ekki, þeir voru fyrir aftan mig – og ég segi allt í einu upphátt og það var sannleikur: „Ég er hræddur.“

Þá kemur rödd sem segir: Þú þarft ekki að vera hræddur, þú ferð aftur.“

Jónas kvað hlakka til „flutningsins“ eins og barn sem væri á leið í ferðalag í fyrsta sinn, og lýsti því sem við tæki:

„Maður fer af þessum spítala yfir á annan og það er allt gert til þess að byggja mann upp smátt og smátt. Og svo fær maður svona… fíngerðari líkama og það sem meira er: Maður getur eiginlega valið sér þann aldur sem maður var bestur á.“

Aðspurður sagði Jónas sinn besta aldur hafa verið í kringum þrítugt, „um það leyti sem við Haukur Morthens vorum með þriðjudagsþáttinn.“

Viðtali Ævars við Jónas lauk með þessum orðum hans:

„Kærar þakkir fyrir mig. Þetta er búið að vera yndislegur tími.“

Hægt er að hlusta á viðtal Ævars við Jónas með því að smella hér.

Athugasemdir

[Axel Jóhann Hallgrímsson, 3.12.2011 kl. 23:18]

Bull!

[OM , 4.12.2011 kl. 11:03]

Þetta eru orð Jónasar en ekki mín. Allar skoðanir virtar hér.

[DoctorE (IP-tala skráð) 4.12.2011 kl. 13:09]

Þetta er ekkert nema bull; Þetta ástand heilans er vel þekkt í vísindum, ekkert yfirnáttúrulegt í gangi.

[OM , 4.12.2011 kl. 13:14]

Ok. Amen.

[Sigurdur Herlufsen (IP-tala skráð) 6.12.2011 kl. 20:12]

Það er virkilega ánægjulegt að sjá þessa síðu, innan um allt rifrilidð og ósköpin!

Full af friði og fallegum viðfangsefnum.

Ég sé að þú hefur þegar fengið yfir þig þá yfirborðsmenn sem ekki hafa leyst nein vandamál mannsins, en heldur reynt að bæta við þau og valda ófriði og ólgu. Ekki uppörfandi innlegg.

OM! Grunntónn alheimsins. Sameiningarferlið gæti einmitt byrjað með því að menn kyrjuðu OM saman.

Gangi þér vel á Guðs vegum.

[OM , 6.12.2011 kl. 22:07]

Sæll og takk fyrir hlý orð.

Já, það er alltaf nóg til af fólki sem er tilbúið til að segja öðrum hvernig þeir á að hugsa  Sem betur fer hef ég verið heppinn og fengið lítið af athugasemdum frá þeim sem allt vita. Best er náttúrulega að vita ekki neitt.

Gangi þér vel og vertu velkominn aftur. OM