Mundaka Upanishad

 

8.

Eins og fljótin, sem í hafið streyma og

glata heiti sínu og lögun, þannig sameinast

vitur maður anda lífsins, sem er stærri en hið stærsta.

 

9.

Sá, sem þekkir anda lífsins, verður hann.

Hann vinnur bug á þjáningunni, hann vinnur

bug á hinu illa, hann vinnur bug á því, sem hrjáir

hjarta hans, hann öðlast ódauðleika.

 

10.

Fræðið þá eina um launhelgi Guðs, sem hreinir

eru í anda, lifa í samræmi við hin andlegu

lögmál og þrá Guð.

 

11.

Þetta er sannleikur. Angiras boðaði sannleik

þennan á löngu liðnum tíma.

Blessaðir séu hinir miklu sjáendur!

Vegsamaðir séu hinir miklu sjáendur!

 

 

Launviska Vedabóka (Upanishads) - Mundaka Upanishad (Sören Sörenson endursagði úr frummálinu)

Athugasemdir

[Sigurður Alfreð Herlufsen, 12.4.2012 kl. 20:18]

Áhugaverð síða hér á ferðinni. Má líta á hana eins og aldingarð í stórborg, þar sem hægt er að koma til að fá næði til íhugunar.

Launviska Vedabóka er í boði hér og skal það þakkað.

Það hefur fylgt reglum hvers konar að þar fer fram kennsla í andlegum fræðum, sem ekki skal dreifa meðal fjöldans.

Það er gert vegna þess að það fer illa með hin launhelgu vé, að verða fyrir háði hinna óhreinu, ef svo má að orði komast.

En nú er upplýsingaöldin gengin í garð og tími komin til að opna fyrir viskubrunninn.

Nú er hverjum sem þess óskar, veittur aðgangur að allri þekkingu og nú skal láta slag standa og leifa allri visku að renna um þjóðarhöfin og þeir taka á móti sem finna löngun til þess.

Er það ekki afbragð. Mér finnst það stórmerkilegt.

Gangið að gnægtarborðinu og etið og njótið og skiljið.

[OM , 12.4.2012 kl. 22:17]

Takk fyrir innlitið. Rétt hjá þér. Að mínu mati eru Upanishads (Launviska Vedabók) einhver merkustu rit sem rtiuð hafa verið.

Kv. Leifur