Hefur bætt líf sitt með hugleiðslu

 

„Ég hef fundið mikla breytingu. Öll mín afstaða til lífsins er breytt. Ég er meira meðvitaður og er skilningsríkari manneskja en áður,“ segir kvikmyndaframleiðandinn Sigurjón Sighvatsson sem segir líf sitt breytt með tilkomu hugleiðslu.

„Í gamla daga þegar ég var að kaupa kvikmyndaverkefni þá fannst mér allt mótlæti mikill persónulegur ósigur. Lífið varð óhemjuerfitt ef ég tapaði stóru verkefni til annarra stórlaxa. Mér fannst ég hreinlega hafa brugðist.

Ég hugsa allt öðru vísi í dag. Ég nýt þess frekar að vera í samkeppni við stórlaxana og fái þeir verkefni sem ég hef sóst eftir þá hugsa ég til þeirra af virðingu og held áfram að reyna við næsta verkefni og held einbeitingunni. Ekkert er „big deal“. Hugleiðslan hefur gefið mér þennan kraft og ég er þakklátur enda hljóta allir að sjá að ég hefði orðið útbrunninn karl í Hollywood ef ég hefði haldi uppteknum hætti. Spurning hvort ég væri á lífi ennþá.“

 

Sjá: http://www.dv.is/lifsstill/2012/5/18/hefdi-ordid-utbrunninn-karl-i-hollywood/