Elstu menjar um yoga eru frá því á bronsöld, sem var árin 3300 – 1200 fyrir Krist

 

Elstu menjar um yoga eru frá því á bronsöld, sem var árin 3300 – 1200 fyrir Krist. Rætur yogaiðkunar eru því meira en 5000 ára gamlar. Við fornleifauppgröft í Indus dalnum í norður Indlandi hafa fundist yogísk tákn og myndir af manni í hugleiðslustöðu. Síðar ullu veðrabreytingar búferlaflutningum og blöndun menningar. Aryanar sem komu frá Rússlandi og voru ljósir yfirlitum fluttust til Indlands, (Punjab), og eins og oft hefur orðið þegar menningarheimar mætast urðu átök og styrjaldir. Þetta tímabil kallast Vedískt tímabil,árin 1800 – 1000 fyrir Krist. Frá þessum tíma eru s.k. Vedabækur, eða bækur þekkingar, sem eru elstu skriflegu heimildirnar um indverska menningu og yoga, meira en 3000 ára gamlar. Þær eru safnverk sálma og helgisiða. Sú þekktasta heitir Mahabarata, og í henni er lýst upphafningu, s.k. „transcendance”. Það er friðsælt innra ástand, óháð ytri aðstæðum og enginn getur tekið frá þér. Þitt sanna sjálf.

 Sjá: http://www.hirsla.lsh.is/lsh/bitstream/2336/121359/1/G2010-01-39-G4.pdf