Lífspekifélagið - Vettvangur einstaklinga sem vilja sameinast um spurningar en ekki um svör. - Dagskrá helgarinnar -

 

19. apríl föstudagur kl 20:00
Halldór Haraldsson: Vorblót Stravinskís 100 ára.
Fjallað um verkið, tekin tóndæmi og ballettinn á DVD.

 

20. apríl. laugardagur
kl 15:30 Hugleiðing/íhugun
Kl 16:00 Kaffi
Kl 16:30 Halldór Haraldsson leiðir íhugun og fjallar um iðkun.

 

www.lifspekifelagid.is

 

 

Í Lífspekifélaginu geta menn kynnst á tiltölulega stuttum tíma, straumum og stefnum í andlegum málum, þeir frétta um athyglisverðar bækur og tímarit og kynnast öðru fólki sem hefur svipuð áhugamál, þeir læra af reynslu annarra og miðla um leið sínum eigin skilningi. Lífspekifélagið er ekki varnargarður utan um einhverjar kenningar eða átrúnað; það boðar enga kenningu og getur þar af leiðandi ekki sóst eftir áhangendum. Það er því ekki trúfélag né “dulspekifélag" eins og margir virðast halda. Félagið er samtök venjulegs fólks sem hefur það óvenjulega áhugamál að vilja kanna leyndardóma mannsins og vitundar hans, fólks sem vill nema eftir sinni eigin getu og í samræmi við eigin persónulega hæfileika. Forsenda slíkrar leitar eða náms er innra frelsi, frelsi til að leita, sem er að vera óbundinn af trúarsannfæringu og frelsi til að tjá skilning sinn.

Lífspekifélagið er vettvangur einstaklinga sem vilja sameinast um spurningar en ekki um svör, sem vilja leita eftir skilningi en ekki sannfæringu.