OPIN SAMRÆÐA við Zen meistarann Jakusho Kwong-roshi í Iðnó fimmtudaginn 16. maí kl. 17:30

OPIN SAMRÆÐA við Zen meistarann Jakusho Kwong-roshi

Í Iðnó fimmtudaginn 16. maí kl.17:30. Zen meistarinn Jakusho Kwong-roshi, kennari Nátthaga-Zen á Íslandi og Oddný Eir Ævarsdóttir rithöfundur ræða saman um lífið og tilveruna. Sérstakur gestur er Nyoze Kwong, Zen prestur og framkvæmdastjóri Sonoma Mountain Zen Center.

Gestum í sal gefst einnig tækifæri á að spyrja Roshi. Roshi er Íslendingum að góðu kunnur því hann hefur verið kennari Nátthga-Zen á Íslandi í 30 ár og komið hingað árlega allan þann tíma. Þetta er í þriðja sinn sem samræðufundur sem þessi er haldinn.

Allir hjartanlega velkomnir. Aðgangseyrir er 2000kr, 1500kr fyrir nema.

SESSHIN Í SKÁLHOLTI

Jakusho Kwong-roshi verður á Íslandi í maí og iðkar með okkur á 5 daga sesshin í Skálholti. Með Roshi í för er sonur hans Nyoze Kwong sem mun einnig taka þátt.

Sesshin, sem þýðir að snerta hugann og hjartað, er nokkurra daga samfleytt Zen iðkun í þögn. Dagskrá hvers dags fyrir sig samanstendur af hugleiðlsu, fræðslu, viðtölum við kennarann, formlegum máltíðum og vinnuiðkun.

Sesshin hefst kl.20:00 föstudagskvöldið 17.maí og lýkur kl.13:00 miðvikudaginn 22.maí.
——————-

Aðsetur Nátthaga – Zen á Íslandi er að Grensásvegi 8, 4.hæð.

HÉR má sjá yfirlit yfir daglega iðkun í Nátthaga.

Skráðu þig á póstlistann okkar HÉR.