Tantra

Orðið tantra þýðir: ,,reglur til að stjórna eftir," reglur þess sem drottnar. Sú deild bókmennta sem hér um ræðir er talsverð að vöxtum, eða alls sextíu og fjórar bækur.

Ekki er vitað hver er höfundur þessarar stefnu. En séu þessi rit lesin niður í kjölinn kemur í ljós að þegar á Veda-tímanum fyrirfannst esóterískur skóli í hagnýtri heimspeki sem enn er til og starfað hefur óslitið gegnum allar þessar aldir.

Svo gerður sé stuttur samanburður á tantra-heimspekinni og öðrum stefnum má segja að hinn hinsti veruleiki sem kallastbrahman í vedanta og púsusha í samkhya heitir shiva með tantristum. Samkvæmt vedanta er maya máttur brahmans, þ.e. sá máttur sem gerir birtingu alheimsins mögulega. Í samkhya kallast þessi máttur prakrti, en í tantra shakti sem beinlínis þýðir máttur.

Markmið tantrista er að upplifa einingu shiva og shakti, máttarins sem ríkir í alheiminum og hins hinsta veruleika, í óskiptilegri einingar-upplifun. ...

En tantrafræðin skoðast ekki einasta fræði, þau eru einnig esóterískt eða leynilegt yoga, og sem slíkur hefur tantrisminn ávallt verið hulinn dularhjúp og hrapallega misskilinn, einnig á Indlandi. ...

Sem fyrr er að vikið grundvallast allar stefnur í yoga á þeirri hugsun að maðurinn sé guðlegur í eðli sínu og bæði trúariðkun og yoga sé meðvituð viðleitni í þá átt að finna leið til að leiða þetta eðli fullkomlega í ljós. Í þessu samhengi fundu hinir fornu rishíar (rshi =sjáandi) og kenndu ýmsar leiðir sem allar kallast einu nafni yoga.

Hvað er kundalini-yoga? Úr ritum Sri Swami Gnaneswarananda. Brot úr grein sem birtirst  í vorhefti Ganglera frá árinu 1979. G.Á. endursagði.