Hávamál Indíalands (Bhagavad Gita) er komin út. Fæst hjá Lífspekifélaginu.

 

Hávamál Indíalands (Bhagavad Gita) er komin út. Bókin fæst hjá Lífspekifélaginu. Um er að ræða endurútgáfu á þýðingu Sigurðar Kristófers frá árinu 1924. 

 

Sjá heimasíðu Lífspekifélagsins hér: www.lifspekifelagid.is   

 

 

8.

Og hver sá maður, er iðkar sífelt yoga og lætur hugann ekki hvarfla frá hinum æðsta, hinum guðdómlega anda, hann hverfur til hans, Arjúna!

 

9. - 10.

Svo er hinn vitri, stjórnandinn, er verið hefir til síðan í árdögum. Hann er minni hverri frumögn. Hann er sá, er öllu viðheldur. Enginn getur gert sér í hugarlund, hvernig hann er. Hann ljómar líkt og sólin fyrir handan myrkrin. Beini menn huga til hans, þá hverfa þeir til hans, hins guðdómlega, svo framarlega sem þeir eru einhuga á andlátsstund sinni, hafa fölskvalausa elsku til að bera og hafa stöðvað lífsöndunina milli augnabrúna sinna.  

 

 

Hávamál Indíalands - Áttunda kviða (Þýtt hefur Sig. Kristófer Pétursson)