Hugleiðslunámskeið - ANDINN SÓPAR HUGANN

Hugleiðslunámskeiðið Andinn Sópar Hugann er ætlað jafnt byrjendum sem og iðkendum og meðlimum í Zen á Íslandi - Nátthaga. Námskeiðið mun byggja alfarið á hljóðbókinni Breath Sweeps Mind eftir Jakusho Kwong Roshi, kennara okkar í Zen á Íslandi, en við munum lesa saman valda kafla úr hljóðbókinni í íslenskri þýðingu. Nálgun Kwong Roshi er mjög ítarleg og gaumgæfileg og snýr að öllum hliðum Zen iðkunar. Við höfum ekki áður lagst í eins djúpa skoðun á kennslu kennara okkar og því hvetjum við alla félaga og áhugasama til þess að nýta sér þetta tækifæri.

Leiðbeinendur á námskeiðinu verða þau Ástvaldur Zenki, Gyða Myoji og Mikhael Zentetsu, en öll hafa þau hlotið prestsvígslu hjá Jakusho Kwong-roshi, kennara Zen á Íslandi – Nátthaga, auk þess sem Ástvaldur Zenki gegnir stöðu aðstoðarkennara í Nátthaga.

Námskeiðið hefst mánudaginn 14. september kl. 17:30 - 19:15 og fer fram á mánudagskvöldum í september og október, alls fimm skipti, í aðsetri Zen á Íslandi á Grensásvegi 8, 4.hæð. Námskeiðið er öllum opið, óháð trúar- og lífsskoðunum.

Þátttökugjald er 15.000kr. en námskeiðið er ókeypis fyrir þá sem greiða árgjald í Nátthaga. Innifalið í þátttökugjaldi er dagleg iðkun á meðan á námskeiðinu stendur.

Skráning fer fram með því að senda tölvupóst á [e-mail].