Námskeið - Sálarrannsóknir, spíritismi og guðspeki á Íslandi

 

Sálarrannsóknir, spíritismi og guðspeki á Íslandi

Skrá mig

Í byrjun 20. aldar urðu miklar breytingar á trúarlífi og menningu Íslendinga. Spíritisminn haslaði sér völl og náði mikilli útbreiðslu meðal fólks af öllum stigum.

Menntamenn vísuðu til sálarrannsókna en áhugi almennings var af ýmsum toga. Um svipað leyti náði guðspekihreyfingin fótfestu og þessar hreyfingar tengdust frjálslyndri guðfræði og kirkjunni á margslungin hátt og ollu miklum deilum sem um tíma virtust ætla að kljúfa Íslensku þjóðkirkjuna.
Á námskeiðinu verður gerð grein fyrir þessum hreyfingum, uppruna þeirra, hugmyndafræði og afstöðu til trúarbragða og vísinda og áhrif þeirra á bókmenntir og listir. Fjallað verður um félagslegar forsendur þeirra, skipulögð samtök og einstaka leiðtoga og talsmenn þessara hreyfinga eins og Einar H. Kvaran ritstjóra og skáld, sr. Harald Níelsson guðfræðiprófessor og Þórberg Þórðarson rithöfund.

Á námskeiðinu er fjallað um:

• Sálarrannsóknir og spíritsma
• Guðspekifélagið og frjálslynda guðfræði
• Þjóðkirkjuna
• Bókmenntir og listir

Kennari(ar):

Pétur Pétursson er prófessor í praktískri guðfræði við Háskóla Íslands. Hann er doktor í félagsfræði og guðfræði.

Aðrar upplýsingar:

Bókin Trúmaður á tímamótum verður höfð til hliðsjónar á námskeiðinu.