Yoga er í rauninni ekki fyrir aðra en þá sem eru tilbúnir að leggja mikið af mörkum fyrir lítið

 

Hvað hefur þú að segja um allar þessar yoga-hreyfingar sem sprottið hafa upp á Vesturlöndum síðustu áratugi?

„Ég þekki þessar hreyfingar tiltölulega lítið og get ekki lagt neinn dóm á þær. En eitt er víst, hátt yoga hefur aldrei verið fjöldahreyfing, svo hefur aldrei verið á Indlandi. Sá hópur manna á Indlandi sem hefur gengið í gegnum æðri stig yoga er harla fámennur. Ég held líka að ef yoga verður fjöldahreyfing þá sé hætt við að það þynnis tút. Eiginlegt yoga er varla þekkt á Vesturlöndum – það er yfirleitt fyrsta stig yoga, þ.e. hugrækt, sem menn eru að fást við.“

   Því er ekki að neita að hér á Vesturlöndum hafa alls konar spilagosar verið að kynna yoga og reynt að koma því í tísku – yoga er nefnilega útflutningsvara og hægt að hafa upp úr því peninga. Oft er reynt að telja fólki trú um að yoga sé eitthvað spennandi, en yoga er ekki spennandi. Það er erfitt og reynir á þolinmæðina. Yoga er í rauninni ekki fyrir aðra en þá sem hafa mystíska áráttu og eru tilbúnir að leggja mikið af mörkum fyrir lítið, frá almennu sjónarmiði.“

 

Brot úr viðtali við Sigvalda Hjálmarsson frá 1983 sem mun birtast í heild sinni í næsta hefti af Ganglera, tímariti Lífspekifélagsins. 

 

Sjá frekar um Ganglera hér: http://lifspekifelagid.is/gangleri/default.htm