Lífspekifélagið um helgina - Hamingjurannsóknir og súfismi

 

9. mars föstudagur kl. 20.00

Halldór Nikulás Lárusson, mannfræðingur: Súfismi, hin mystíska vídd íslam. Þann 24. nóvember 2017 voru 
305 súfistar drepnir í sprengjuárás á al-Rawda moskuna í Bir al-Abed á Sínaískaga, þrátt fyrir pólitískt hlutleysi þeirra 
og friðarboðskap. Súfista er að finna bæði innan súnní- og shíahefðar íslam, en súfismi er þó óhefðbundin íslömsk 
trúarhreyfing af allt öðrum toga. Hún kom snemma fram á sjónarsviðið í íslam og undir lok 9. aldar höfðu myndast hópar sem lögðu áherslu á Veginn (Tariqah), sem hægt var að feta til uppljómunar og sameiningar við hinn eina veruleika, sjálfan Guð. Hreyfingin var oft á tíðum fordæmd af hinum hefð-bundnu trúarleiðtogum rétttrúnaðar íslam og fylgjendur hennar jafnvel líflátnir fyrir villutrú. Ekki margir Vesturlandabúar vita um líf og trú súfistanna, en í erindinu verður fjallað um mystík og lífsviðhorf þessa einstaka trúarhóps.

10. mars laugardagur kl. 15.00

Kristinn Ágúst Friðfinnsson: Hamingjurannsóknir.