Lífspekifélagið um helgina - Shamanismi, súfismi og Rumi

Á föstudag kl. 20 verður erindi í húsi félagsins. Elva Ýr Gylfadóttir heldur erindið. Heimsmynd shamanismans Í erindinu verður fjallað um þá heimsmynd shamanismans að í vöku og í draumum sköpum við heiminn með draumum og ímyndunum okkar. Þessi heimsmynd verður m.a. borin saman við heimsmynd búddismans, en Búdda sagði: "Við erum það sem við hugsum. Allt verður til úr hugsunum okkar. Með huganum sköpum við heiminn." Þá sjáum við ýmsar birtingarmyndir úr hugmyndaheimi shamanismans t.d. í talnaspeki og spádómum auk þess sem shamanir líta til þess að orð og tákn hafi sérstakan mátt. Í lok erindisins verður síðan fjallað um siðfræðina og viðhorf nýrri trúarbragða til shamanismans. Minnum á að það er grímuskylda. 

 

Á laugardag kl. 15 er fundur. Kristinn Árnason fjallar um Rumi og sitthvað um súfisma. Dregur etv. inn í erindið súfísk áhrif í verkum annarra ljóðskálda, t.a.m. hjá Pessoa, hinum portúgalska. Kristinn er m.a. þýðandi bókarinnar: Ljóðasafn Rumi - Söngur reyrsins sem kom út sl. haust.