... við megum ekki trúa því sem sagt er ...

 

LÁVARÐUR BÚDDHA HEFUR SAGT að við megum ekki trúa því sem sagt er aðeins vegna þess að svo er sagt; né arfsögnum vegna þess að við höfum þær úr fortíðinni; né orðrómi sem slíkum; né skrifum spekinga af því spekingar skrifuðu svo; né hugdettum sem við höldum að engill hafi blásið okkur í brjóst (það er að segja því sem við teljum andlegan innblástur); né hugmyndum sem við fáum frá tilviljanakenndum ályktunum sem við kunnum að hafa dregið; né vegna þess sem virðist nauðsynlegt af hliðstæðum; né því sem byggist aðeins á áhrifavaldi kennara okkar eða meistara. En við eigum að trúa þegar ritverkið, kenningin eða ummælin eru studd af okkar eigin skynsemi og vitund. „Þess vegna,“ segir hann að lokum, „kenndi ég ykkur að trúa ekki vegna þess eins að þið hafið heyrt, heldur þegar og ef þið trúið samkvæmt ykkar innri vitund, að bregðast þá kröftuglega við í samræmi við það.“

(Secret Doctrine, III. Bindi, bls. 401)

 

Tekið úr bókinni Vitundarvígsla manns og sólar. Svo segir á Facebook-síðu Lífspekifélagsins: Sveinn Freyr Rögnvaldsson gamall félagi fór í sína síðustu för þann 28. s.l. Hann var mikill áhugamaður um Alice A. Bailey og þýddi með áhugamönnum um þróunarheimspeki eina bókina: Vitundarvígsla manns og sólar. Þessi bók mun liggja fram í félaginu sem gjöf frá honum fyrir þá sem vilja þiggja.

Athugasemdir

[Ingólfur Sigurðsson, 2.4.2022 kl. 14:26]

Ég á þessa bók og lærði mikið af henni. Ég keypti hana fyrir löngu í Kringlunni. Þetta er speki sem maður er alla ævina að tileinka sér, þannig er það um allt það dýrmætasta sem mannsandinn hefur kennt.