100 ára afmæli Lífspekifélags Íslands 4. október, kl. 14:00-18:00

Laugardagurinn 8. október 2022 klukkan 14:00 til 18:00. Gestir eru hvattir til þess að styrkja félagið um 4000 kr eða bara eins og hver og einn getur. Þetta þarf til að standa straum af afmælinu og afgangurinn fer til að styrkja starfsemina. Það verða sex stutt erindi (hver í um 15 til 20 mínútur) og á milli verður lifandi tónlist, hreyfing og hugleiðingar. Þá verða veitingar allan tíma upp á loftinu. Haraldur Erlendsson hefur dagskránna, þakkar þeim sem á undan komu og þeim sem yfir vaka og segir frá nokkrum leiðtogum félagsins. Pétur Pétursson rekur sögu félagsins. Bjarni Randver Sigurvinsson segir frá sögu jóga á Íslandi. Melkorka Edda Freysteinsdóttir og Hrafnhildur Fjóla Júlíusdóttir segja frá sjáandanum Erlu Stefánsdóttur. Hilmar Sigurðsson segir frá danska heimspekingnum Martinus. Hilmar Örn Agnarsson organisti leiðir kórinn Söngfjelagið og Björg Þórhallsdóttir óperusöngkona syngur. Arnmundur Ernst Backman syngur eigin tónlist og spilar á gítar og leiðir nokkra Indverska bhakti söngva. Óli Ben Ólafsson slær trumbu og leiðir söngva frá Suður Ameríku. Anna Bjarnadóttir verður með nokkrar æfingar (Spring Forest Qigong), Anna Katrín Ottesen verður með æfingar. Sigurður Gunnarsson leiðir nokkrar hatha yoga æfingar. Haraldur lýkur hátíðinni með þökkum um kl. 18.