Dagskrá Lífspekifélagsins - 16., 17. og 19. nóvember

 

Miðvikudagur 16. nóvember kl. 20:00 - Um illskuna

Jón Björnsson er lærður sálfræðingur en hann hefur einnig skrifað nokkrar bækur. Þar á meðal má nefna Af örlögum mannanna sem kom út árið 1991 og Með skör járntjaldsins sem kom út árið 2008. Jón var lengi félagsmálastjóri hjá Akureyrarbæ og einnig var hann í nokkur ár sviðsstjóri hjá Reykjavíkurborg. Síðustu ellefu ár hefur hann tekið sér margt fyrir hendur. Hann hefur til að mynda verið í nokkrum útvarpsþáttum, skrifað bækur og tekið að sér fjöldann allan af einstökum verkefnum. Jón segist ferðast mjög mikið og vonar að aldurinn komi ekki í veg fyrir að hann geti ferðast um allan heim.

 

Fimmtudagur 17. nóvember kl. 20 - Kvikmyndin Adi Shankaracharya/The Philosopher sýnd

Adi Shankaracharya/ The Philosopher

(G.V. Iyer: 1983)
Framleiðsluland: Indland.
Hlutföll: 1.33:1
Lengd: 160 mín.
Texti: Enskur.
IMDB: Upplýsingar á IMDB 

Hér er sögð sagan af Adi Shankara (um 700-750) og hvernig hann mótaði advaita vedanta stefnuna innan hindúismans. Þetta var fyrsta indverska kvikmyndin sem gerð var alfarið á sanskrít.

 

19. nóvember kl. 15 - Rætur ábyrgðar og siðgæðis

Gunnlaugur Garðarsson guðfræðingur og prestur flytur erindið Rætur ábyrgðar og siðgæðis. Gunnlaugur er stúdent frá MR og guðfræðingur frá HÍ. Framhaldsnám í Canada. Hann þjónaði Glerárprestakalli á Akureyri í 29 ár.