Á þetta kannski við um okkur öll?

 

Ég og faðirinn erum eitt.  

 

Jesus – Jóhannes 10:30

Hér getið þið nálgast hina frábæru mynd What the bleep do we know?: http://www.whatthebleep.com/  sem var sýnd á RÚV í gær. Vonandi verður hún endursýnd fyrir þá sem misstu af henni.

Athugasemdir

[Bragi Þór Thoroddsen, 15.6.2007 kl. 00:50]

Þetta var mynd sem virkilega vakti athygli svo ekki sé meira sagt.  Var hugsað til þín við glápið. 

Ekki bölva mér...

vcd

[OM , 15.6.2007 kl. 08:59]

Blessaður. Ég hef séð hana áður hún var ansi ,,heit" fyrir þónokkru. En hún er ansi góð en það sem mér fannst vanta og í hana var að skammtafræðin eru ekki fyrstu fræðin til þess að sjá að allt er tengt og að efni er orka o.s.frv. Búddistar og yogar hafa haldið þessu fram í þúsundir ára og því mætti segja að skammtafræðin sé eins konar sönnun á grunnhugmyndum yogaspekinar, Vedanta og búddismans en allar halda þessar kenningar því fram að allt sé tengt og að þú sért ekki aðskilinn frá almættinu. Það er ekki eitthvað fjarlægt fyrirbæri sem situr einhverstaðar og dæmir lifendur og dauða, heldur ert þú hluti af því eins og fram kom í myndinni. Þú er dropinn en almættið. Sama og Jesus var að segja í tilvitnuninni hér að ofan. Einstein sá þetta allt saman enda var hann mjög hrifinn af austurlenskum fræðum. Hafðu það gott minn kærir, ég fer svo að draga þig í hugleiðslu.

Om Shanti, Leifur

[OM , 15.6.2007 kl. 09:07]

Blessaður. Ég hef séð hana áður hún var ansi ,,heit" fyrir þónokkru. En hún er ansi góð en það sem mér fannst vanta og í hana var að skammtafræðin eru ekki fyrstu fræðin til þess að sjá að allt er tengt og að efni er orka o.s.frv. Búddistar og yogar hafa haldið þessu fram í þúsundir ára og því mætti segja að skammtafræðin sé eins konar sönnun á grunnhugmyndum yogaspekinnar, Vedanta, taóismans og búddismans en allar halda þessar kenningar því fram að allt sé tengt og að þú sért ekki aðskilinn frá almættinu. Það er ekki eitthvað fjarlægt fyrirbæri sem situr einhverstaðar og dæmir lifendur og dauða, heldur ert þú hluti af því eins og fram kom í myndinni. Þú er dropinn en almættið hafið. Sama og Jesus var að segja í tilvitnuninni hér að ofan. Einstein sá þetta allt saman enda var hann mjög hrifinn af austurlenskum fræðum. Hafðu það gott minn kærir, ég fer svo að draga þig í hugleiðslu.

Om Shanti, Leifur

[OM , 17.6.2007 kl. 09:18]

Sæll Erlingur og þakka þér fyrir innlitið. Ég skal reyna að svara spurningum þínum, samkvæmt minni bestu vitund.

Byrjum á núrmer 4: Í dag er til ógrynni af yoga-tegundum og ég held að ég megi segja að flestar eru búnar til af Vesturlandabúum fyrir Vesturlandabúa, t.d. eins og Robe yoga sem ég hef aldrei séð að tengist yoga á nokkurn hátt en að vísu hef ég ekki prófað það þannig að þetta eru örlitlir fordómar hjá mér. Svo eru til Iyanger yoga, Bikram yoga, Astanga yoga o.s.frv. En upprunalega var talað um 4 meginleiðir í yoga. Þrjár þeirra koma fram í hinni merku bók Bhagavad Gita, sem var rituð um 500 f. Kr.. Þessar þrjár leiðir eru: gnana yoga, leið vitsmuna, bhakti yoga, leið tilbeiðslu og karma yoga, leið athafna, þú getur flett þessu upp á Netinu til að kynna þér hverja leið betur svo þetta verði ekki of langt hjá mér, það er meira en nóg til skrifað um þetta. Fjórða leiðin kom svo fram í Yoga sútrunum sem Patanjali ritaði um 200 f. Kr. að talið er og nefnist hún raja yoga og er það í raun hið sanna astanga yoga, þ.e. átta þrepa yoga: 1. stigið er yama og niyama sem eru siðaboðorð, svo kemur asana eða líkamsstaða, pranayama eða öndunaræfingar, pratyahara að ná valdi á skynfærunum, dharana er einbeiting, dhyana er hugleiðsla og loksþrepið er Samadhi eða hugljómun. Þess ber að geta að það yoga sem stundað er um allan bæ í dag er svo kallað hatha yoga en það fellst aðallega í teygjum. Hatha yoga er í raun fyrstu 4 stigin í raja yoga. Þetta eru helstu tegundir yoga og svo eru til mjög margar ,,undirtegundir" og þá aðallega í hatha yoganu. Yoga þýðir sameining, þ.e. sameining einstaklingsvitundarinnar við alheimsvitundina.

3. Ég hef stundað yoga, þ.e. hatha yoga í um 5 ár en ég hef stundað hugleiðslu í um 6 ár.

2. Ég þekki enga aðferð persónulega til að sjá út eldri líf. Það eru til menn sem segjast geta sagt mannni til um hvað maður var í fyrri lífum og eflaust eru þeir til. En er eitthvað gagn af því? Konfúsíus sagði eitthvað á þessa leið: Við skulum fyrst finna út hvað við erum eða eigum að gera í þessu lífi áður en við förum að pæla í fyrri lífum. Nokkuð gott hjá honum. En þetta er mjög áhugavert efni og yogafræðin eru með ákveðin skilning á þessu. En ég held að við þurfum öll að endurfæðast í þessu lífi, við þurfum ekki að deyja líkamlegum dauða til þess.

1. Ég veit ekki hvað hugljómun er algeng en ég hef lesið um marga sem segjast vera hugljómaðir. Sumir vilja ekki leggja mikið upp úr hugljómun; zen segir t.d. þú ert nú þegar uppljómaður en hugur þinn truflar þig of mikið til að þú sjáir það. Einnig segir í zen: ef þú hugsar of mikið um hugljomun muntu aldrei ná henni. Zen segir líka að hugljómun sé í raun ekkert sérstakt, bara að vera eins og þú átt að vera. En mér finnst yogarnir líta öðruvísi á þetta,  þeir líta á þetta sem eitthvað ákveðið stig sem þú nærð og það geti jafnvel verið varanlegt (nirvikalpa samadhi). T.d. í raja yoga gengur þú ákveðin þrep í átt að uppljómun. En svo hefur verið sagt: Taktu uppljómaðan yoga úr ashraminu (hálfgert klaustur) sínu og komdu með hann til Vesturlanda, láttu hann hafa vinnu, þrjú börn, skuldir, bíl, hús og konu og athugaðu eftir mánuð hvort hann er enn jafn uppljómaður og hann var. Ég held að hugljómun sé vissulega til en ég held líka að það séu margir sem haldi að þeir séu uppljómaðir en eru ekki. Hvað tekur lengi að ná hugljómun er einstaklingsbundið hlýtur að vera og hve hart þú leggur að þér. Kriya yoga meistarar segja að þú getir ná hugljómun í þessu lífi ef þú forgangsraðar rétt.  

En þú talaðir um Buddha og Jesús í byrjun en það eru margir sem telja að þetta hafi bara verið uppjómaðir menn, ekkert guðir frekar en ég og þú og segja því margir að við getum náð sama stigi og þeir. Buddha er ekki nafn á manni heldur þýðir ,,hinn vaknaði". þ.e. hinn hugljómaði.

Vonandi hefur þetta svarað einhverju fyrir þig en ef þú stundar ekki hugleiðslu eða yoga þá bendi ég þér á að það er að koma aðili til landsins að kenna kriya yoga og mæli ég með því. Sjá betur hér: www.kriyayoga.is

Gangi þér vel.

Kveðja, Leifur

[OM , 18.6.2007 kl. 10:48]

Sæll og takk fyrir. Eins og þú veist kannski þá er Bhagavad Gita einungis lítill hluti af stærri bálki sem heitir Mahabharata sem hefur að geyma sögur af Krishna og Rama sem báðir eru taldir vera holgervingar Guðs á jörðu eða svo kallaðir avatarar, sem þú ert kannski að vísa í í svari þínu um lokatakmark yoga. Mig minnir að Gítan og Upanishads teljist svo til Vedanda heimspekinnar en veda er vit og anda þýðir að ljúka eða enda.

Ég hef heyrt að Veda sé samstofna orðinu vit og að vita á íslensku.

Hafðu það gott og vonandi kemst þú á námskeiðið, annars eru svo mörg í boði, það eru linkar inn á nokkur hugleiðslunámskeið á síðunni hjá mér.

Gangi þér vel.

Om Shanti,

Leifur