Hjartasútran í íslenskri þýðingu

 

Í djúpri iðkun Prajna Paramita, sá Bodhisattvinn Avalokitesvara það skýrt

 

að sköndurnar fimm voru allar tómar

 

og losnaði þannig undan allri þjáningu og ótta.

 

Shariputra! Form verður ekki greint frá tómi, tóm ekki frá formi,

 

form er ekkert annað en tóm, tóm ekkert annað en form.

 

Sama gildir um skynjun, hugsun, hvatir og vitund.

 

Shariputra! Allt Dharma ber merki tómsins,

 

það er hvorki fætt né látið, hreint eða óhreint, án hagnaðar eða taps.

 

Í tómi er því ekkert form, engin skynjun, hugsun, hvatir eða vitund;

 

ekki auga, eyra, nef, tunga, líkami eða hugur;

 

enginn litur, hljóð, ilmur, bragð, snerting eða fyrirbæri;

 

ekkert sjónarsvið, heyrnarsvið og svo framvegis;

 

engin fávísi, heldur engin endalok hennar og þannig áfram að engri elli,

 

engum dauða, ekki heldur endalokum elli og dauða,

 

engin þjáning, engin orsök þjáningar, engin tortíming engin vegur,

 

engin viska og ekkert að öðlast,

 

Bodhisattvinn hefur ekkert að öðlast og hvílir því í Prajna Paramita

 

með ótruflaðan hug og þar með óttalaus,

 

langt handan við blekkingar hugans nær hann Nirvana.

 

Allir Búddar í þátíð, nútíð og framtíð

 

hvíla í Prajna Paramita og öðlast þannig Anuttata Samyak Sambodhi.

 

Því skaltu vita að Prajna Paramita

 

er hin mikla mantra

 

er hin mikla skæra mantra

 

er hin æðsta mantra

 

er hin óviðjafnanlega mantra,

 

til þess fallin að létta af þér allri þjáningu.

 

Þetta er sannleikur en ekki blekking,

 

kunngerðu því möntru hinnar djúpu handanvisku,

 

kunngerðu þessa möntru og segðu:

 

Gate! Gate! Paragate! Parasamgate!

 

Bodhi! Svaha! Prajna! Hjarta Sútra.

 

 

www.zen.is