Gallar annarra

Auðvelt er að sjá annarra galla

erfitt að koma auga á sína eigin.

Galla annarra greina menn samstundis

en fela sína eigin eins og fjárhættuspilari

sem hefur rangt við.

 

 

Sá sem einblínir á galla annarra

og horfir sífellt á mistök manna

hann eykur eigin spillingu

hann á langa leið fyrir höndum.

 

 

Dhammapada (Þýð.: Njörður P. Njarðvík)

Athugasemdir

[Bragi Þór Thoroddsen, 13.8.2007 kl. 11:50]

Held að Einar hafi tekið gallann minn á Tjaldinum...

vcd

[OM , 13.8.2007 kl. 13:46]

Fór hann ekki út um lensportið?

LL 

[Bragi Þór Thoroddsen, 13.8.2007 kl. 16:04]

Það var færeyingurinn.  Sé enn eftir honum.  Held að Johnseninn hafi tekið hann, fyrir mistök.  Þetta var jú við Eyjar á þrifaillskunni.  En góð og þörf ábending hjá þér þrátt fyrir þennan útúrsnúning minn.  Annarra manna gallar er það sem við sjáum hvað best, svona bjálka/flísa syndrome.

vcd

[Jóa (IP-tala skráð) 17.8.2007 kl. 19:18]

Þú hefur svo fáa galla að stundum held ég að þú sért alveg að verða fullkominn. Er alltaf að reyna að ná þessum aga sem þú hefur á sjálfum þér. ( Góðir hlutir gerast hægt )

[OM , 18.8.2007 kl. 08:17]

Sæl systir og takk fyrir innlitið og athugasemdina. Það er nú ekki rétt hjá þér að ég hafi fáa galla, þeir eru mjög margir, maður er bara ekkert alltaf að sýna þá.

Aginn er bara vani sem maður kemur sér upp og hættir að pæla í hvort mann langi að gera eitthvað ákveðið, eins og að vakna á morgnana og hugleiða, og gerir það bara hvort sem mann langi til þess eða ekki. Stundum nenni ég ekki að tannbursta mig en ég hugsa voða lítið um það og geri það. Annars er ég agalaus á sumum sviðum og á sumum sviðum er ég agalegur eins og í súkkulaðinu.

Gangi þér vel og vonandi heldur þú áfram að hugleiða.

Kær kveðja, Leifur