Dagskrá Guðspekifélagsins

Laugardaginn 6. október kl. 15.30 verður smiðja með Richard Lang sem ber yfirskriftina: “Að vakna til þess sem þú í rauninni ert”

 “Það er ekkert eins öflugt eða eins ummyndandi eins og samfelld meðvitund um
hver þú i rauninni ert” - Richard Lang

Rithöfundurinn og kennarinn Richard Lang sýnir i verki leið til sjálfskoðunar og andlegrar ræktunar. Æfingarnar sem hann beitir byggjast á kenningum Douglas Harding (höfundi bókarinnar “On Having No Head: Zen and the Rediscovery of the Obvious”), en hann starfaði með honum í mörg ár. Richard Lang leiðir þig til vitundar um það “Hver þú í rauninni ert”.

Hann kynnir og sýnir þessa einföldu og beinu leið heim til þess sem þú í rauninni ert. “Saman munum við æfa og njóta þessarar undursamlegu meðvitundar og við munum uppgötva hverning þessi iðkun tengist okkar daglega lifi”, segir Richard.

Richard Lang er skipulagsstjóri Sholland Trust, breskrar góðgerðarstarfsemi sem hefur það markmið að deila þessari leið ‘Að uppgötva’. Richard hefur leitt þessi námskeið í meira en 35 ár i Evrópu, Austurlöndum fjær, Ástraliu, Suður-Afriku, Rússlandi, Nordur- og Sudur-Ameríku. Richard hefur mikla reynslu sem leiðari og kennari á þessu sviði. Árið 2003 kom út bókin hans Seeing Who You Really Are: A Modern Guide to Your True Identiy og árið 2005 Open to the Source: Selected Teachings of Douglas Harding. Hann starfar einnig sem geðlæknir, er með háskólagráðu í sögu, kennir Tai Chi, Qi Gong og “fimm-rítma dans” og hefur stjórnað mörgum námskeiðum.

 

Sjá betur hér: http://www.gudspekifelagid.is/ 

 

Athugasemdir

[Jón Steinar Ragnarsson, 29.9.2007 kl. 23:36]

Minnir svolítið á Tolle, sem í raun boðar tímalausa og gamla speki á skiljanlegri hátt en gamlir metafórar og anektdótur.  Takk fyrir linkinn á Guðspekifélagið, þar sé ég loks að til er athvarf fyrir andlega sveimhuga eins og mig.  Las þarna athyglisverða grein frá Colin Wilson, sem ég las mikið á yngri árum.  Í bókinni Mysteries man ég sérstaklega eftir opinberandi grein, sem hét: "The history of human stupidity."  Magnaður kall.

[OM , 30.9.2007 kl. 07:49]

Sæll og takk fyrir innlitið. Tolle er alveg frábær og eins og þú segir þá setur hann þessa gömlu speki fram á mjög einfaldan og skiljanlegan hátt (svolítið zen samt). En ég bendi þér á fyrirlestra um Tolle í Guðspekifélaginu:

Föstudaginn 7. desember kl. 20.30 Erindi af mynddiski með Eckhart Tolle: “The Deepest Truth of Human Existence.”   Laugardaginn 8. desember kl.15.30 Elías J. Sveinsson og Snorri Þór Sigurðsson fjalla um Eckhart Tolle og verk hans.

Kveðja, Leifur