Að breyta heiminum felst í því að breyta sjálfum sér

 

Ef ég vil kenna einhverjum að efla sitt sjálfstraust verð ég fyrst að öðlast sjálfstraust. Ef ég vill gefa ást og kærleika verð ég fyrst að elska sjálfan mig. Og svo mætti lengi telja. Mér hefur líka lærst að flest fólk vill ekki breytast, sérstaklega ekki ef það fær vingjarnlegar ábendingar um það frá einhverjum nákomnum og aðeins örfáir vilja þiggja aðstoð af einhverju tagi. Ekki er hægt að þvinga neinn til að gera neitt sem hann vill ekki gera. En þegar að manneskja er orðinn nægilega sterk á einhverju sviði til að geta gefið af sér, þegar að hún hefur stundað eitthvað nægilega lengi í einrúmi til að hafa einhverju reynslu af því, þá getur sú manneskja boðið öðrum að læra það sem hún hefur sjálf lært – og þeir sem taka boðinu munu mögulega fara í gegnum svipað breytingarferli, finna síðan löngun til að kenna öðrum og þannig verða dómínóáhrifin til. Þannig getur ein manneskja kannski ekki breytt heiminum af sjálfsdáðum, en ef hún byrjar á því að breyta sjálfri sér, þá kannski, já kannski, getur hún virkað sem hvati fyrir aðra og gert heiminn að örlítið betri stað.

 

Guðjón Bergmann - Að breyta heiminum felst í því að breyta sjálfum sér (Brot úr grein sem birtist í tímaritinu Nýtt líf)

Athugasemdir

[María Anna P Kristjánsdóttir, 17.10.2007 kl. 14:47]

Hverju orði sannara.