Tilbiðjið á þann hátt sem ykkur líkar. Enginn hefur neitt við því að segja

 

VIVEKANANDA KENNDI lærisveinum sínum í samræmi við setninguna “fólkið er margt og leiðirnar margar". Hann hafnaði því að ein tegund iðkunar ætti við alla. Hann sagði: “Ef þið finnið Guð með því að standa á höfði eða á öðrum fæti eða með því að ákalla fimm þúsund guði sem sérhver er með þrjú höfuð -- þá er það gott og blessað! Tilbiðjið á þann hátt sem ykkur líkar. Enginn hefur neitt við því að segja."

En misskiljið þetta ekki. Hin létta lund Vivekananda breytti ekki alvöru þess að til að finna Guð verður hugurinn að kyrrast eins og gler og verða hreinn eins og spegill sjónauka. “Fægið rykið af speglinum," sagði hann einnig. “Hreinsið huga ykkar og á andartaki mun ykkur skiljast að þið eruð Brahman."

 

Dorothy Madison - Þjálfun Vivekananda. Grein úr Gangleri (BB þýddi og stytti úr The Quest)

Sjá: http://www.ismennt.is/not/birgirb/greinar.html 

Athugasemdir

[Ragnhildur Jónsdóttir, 6.12.2007 kl. 10:08]

Einmitt, gott innlegg í alla umræðuna í dag um trú og trúarbrögð.