Hin æðri vegur

 

 

fyrsta níund

að staðsetja sjálfan sig

 

1.

sá vegur sem verður kortlagður

er ekki

hinn æðri vegur.

orð sem verður skýrt

er ekki hið æðra orð.

forgengill tilverunnar

er ekki ekkert.

tilvera er eilíf.

jafnvel það sem var

fyrir tilveru

er enn til.

tilvera og ekkitilvera

spretta frá sömu rót

aðeins sofendum

birtast þær ekki eins.

eining

er alheimslegt lögmál

hin dýpsta viðurkenning.

hinn vaknaði

leitar dul ekkitilveru

og finnur í því sem hefur

tilveru

hinn hinsta algjöra

einfaldleika.

 

2.

skynjun fegurðar

gerir ráð fyrir ljótleika.

þekking þess góða

gerir ráð fyrir illu.

tilvera á grunn

í ekkitilveru.

hið erfiða

leyfir hið auðvelda.

það sem er fjarlægt

verður hið nálæga.

hið lága

leyfir hið háa.

það sem flæðir fram

ber hitt með sér

sem fór fyrr.

hinn vaknaði starfar

án athafna

kennir án orða.

 A. Kalid Roh - Hin æðri vegur (Birgir Bjarnason þýddi)