Prajnaparamita verður á landinu 12. - 14. september

 

Prajnaparamita er meistari sem hefur vaknað til vitundar um sitt sanna sjálf. Hún mun koma með náð sína og blessun til Íslands í september í röð fimm tveggja tíma langra samræðna (satsang).

 

Hún fetaði sína andlegu braut í gegnum Advaita, Buddhisma, Ch’an og Zen. Ekki er þó um hefðbundna kennslu að ræða. Frekar verður í rólegri samveru með henni til sjálfssprottinn sannleikur sem blæs fólki í brjóst löngun til þess að vakna til visku síns eigin hjarta og dvelja í friði hins innra sjálfs.

Staðsetning
RÓSIN, Bolholti 4, fjórða hæð, 105 Reykjavík

 Sjá meira hér: www.leidarljos.net

Prajnaparamita

Prajnaparamita fæddist í Hollandi, hún lagði stund á ýmis fræði í hinu hefðbundna menntakerfi en fann sig ekki á þeirri braut. Í leit sinni hitti hún loks hugljómaða sál sem síðar varð hennar fyrsti meistari. Hafði hann svo mikil áhrif á hana að hún gaf hjarta sitt og líf í andlega vinnu.

Eftir fráfall meistara síns, hitti hún sinn núverandi meistara, ShantiMayi, og varði hún miklum tíma með henni bæði á Indlandi sem og í Evrópu. Fyrir um áratug var hún hvött af meistara sínum til þess að bjóða fólki satsang sjálf "komdu með þau heim" var boð hennar.

Hún varð þar með annar af tveim vestrænum meisturum í línu meistara sem heitir Sacha Sangha og er ævaforn lína/ættkvísl sem á rætur að rekja til austur Indlands. Elsti núlifandi meistari í þessari línu heitir Maharajji og býr í Laxmanjhula á Indlandi.

Prajnaparamita hefur nú í áratug gefið satsang víðsvegar um veröldina og um hana hefur safnast mörg hundruð manns sem hún hefur leiðbeint með visku sinni og kærleika.