Fyrirlestur: Fast nám og fljótandi

Miðvikudagsfyrirlesturinn 18. mars n.k. mun Stefán Jökulsson flytja og

nefnist hann Fast nám og fljótandi.

Fyrirlesturinn er byggður á frásögnum tveggja Íslendinga, háskólakennara oglistamanns, sem segja frá þeim hugmyndum sem þeir taka mið af í starfi sínu. Frásagnirnar hafna inni í stað- og tímalausu sköpunarrými þar sem þrírvalinkunnir hugsuðir – tveir látnir og einn lifandi – taka þær til umræðu, þ.e. enskur heimspekingur, indverskur dulspekingur og bandarískur zen-meistari.

Samtal þrímenninganna vekur áleitnar spurningar: Hefur nám miðast of mikiðvið hugtök? Höfum við vanmetið þátt innsæis í því? Viljum við fremur „láta“eitthvað gerast í skólastarfi, með ákvörðunum okkar og athöfnum, en „leyfa“ því að gerast?

Undir lokin opnast ef til vill glufa inn í skólaveröld þar sem aðgerðaleysier gert jafnhátt undir höfði og aðgerðum, og innsæi vegur jafnþungt og rökhugsun.

Stefán Jökulsson hefur fengist við kennslu og miðlun af ýmsu tagi frá árinu1972, t.d. grunnskólakennslu og dagskrárgerð fyrir útvarp. Hann erfjölmiðlafræðingur að mennt (Leicester Unversity) og hefur lokið prófi semkennari í útvarpsþáttagerð (BBC, London). Árið 2002 hóf hann störf hjáKennaraháskóla Íslands og er nú lektor í miðlun og miðlalæsi ámenntavísindasviði Háskóla Íslands.  Fyrirlesturinn fer fram í Bratta, fyrirlestrarsal Menntavísindasviðs HáskólaÍslands við Stakkahlíð milli kl. 16 og 17.

Hægt er að fylgjast meðfyrirlestrinum í beinni (eða síðar) á  <http://sjonvarp.khi.is/>http://sjonvarp.khi.is/